شعر عراقي ما اكدر

[آهاات حالمة]

شعر عراقي ما اكدر

ما اكدر اطلعك مني وارتاح
شيطلع الوطن من راس الاسرى
من اذكرنك نفاير تختق الروح
من اريد انساك لازم شعره شعره
بهواك اعصرني من تطيح سحفات
حقي اشتاقلك يالروحي خضره
سهم يركص بضلعي وبيدي جف ماي
جهنم بيه تلحك وانت صحوه
اعرفك زين عفت الماي بالإيد
وجه ما بطل ونوب كطره
تجي بشمرة كبل وشكرة سمه تروح
واضل بثنينهم مخنوك عبره
تدري جفني ليش مركص الليل
اذا نعس اكد ظهره واكسره
حالف بالنجم ما مره انساك
اذا اكرهك احس كاتلي كمره
فك باب السجن محتاج اشم ناس
واهز طولي بشوارع اهلي مره
سجنك عالجبل شتظني ارتاح
السجن لو عالقمر هم يبقى حفره
اول ما بكت من العصافير
شفت بستاني لون خدوده صفره
​

 

[الشيخ]

رد: شعر عراقي ما اكدر

جميل ورائع

تسلم اديك

 

[حكاية صمت]

رد: شعر عراقي ما اكدر

عاشت يدك


طرح مميز

تحياتي

 

[المشتاق]

رد: شعر عراقي ما اكدر

بسم الله الرحمن الرحيم

أختي الكريمة آآهآآت حآلمـــــــــــــــــــة

سلمت يدآكِ للوحة الجميلة والرآئعة
مِن الشعر العرآقي
{{{{ ما أكـــــــــــــــــــــــدر }}}}
دآم لنا فيض العطآء
وللمزيد منَ كل جديد
تحيآتي ودعآئي
دمتي موفقة
​

 

[آهاات حالمة]

رد: شعر عراقي ما اكدر

نورتواالموضوع
اشكر طلتكم الجميلة ومروركم العبق
ودي ووردي لكم