شعر لمدينة الناصرية

[حمد الساهر]

جذر هاي المدينة امتد حضارات
سنين امتد تره موحســــــبة امتار
ابتداءا من حضارة سومر واور
الاان توصل وتلكاهه ذ ي قار
مدينه تعادل المخ عند الانسان
اذا تسكت بعد ماتطلع افكار
مدينه امضت عمر تتحاصر بجيش
وامضت عمربيهم تحدق اخطار
اشكد رادوهه تغفه وتنسه الاشعار
بس ليليه جانت تكتب اشعار
جم ساعة صفر دكته منا
وبكل انتفاضه عدهه ثوار
لهذا انه اقترح ساعة صفر كون
موصفرانتفاضه صفرالاعمار
كضه وكت السلاح العنك اخفيه
ماجبرك بكيفك وانته تختار
بدل ماللمعارك ندخل انذار
لاعمار الشوارع ندخل انذار
ذب القاذفه وننطيك مسحاه
ليش نلم جثث خنلم الاحجار
لا نحيي الخلاف الفتنة شتفيد
تره الواجب علينا نحيي الاشجار
باجر يكتب التاريخ الاحداث
والاجيال الورانه تعرف الصار
لذلك لازم نلم كل الارماد
اذا يلكونه طايح تنعرف نار
البنادق نخبت كل الحياطين
محاتجين مالج يمحي الاثار
خنسوي الفرح بس مرة تفصال
خاطر علملامح يطلع كدار
كبرنه ونشزن ضحكات الهموم
صارن علشفايف كلش كصار
الاحلام البعيدة اقتربت هواي
واليفصلنه عنهن بضعة امتار
بس يراد فزعة وشدة حزام
والى اشعار اخر نعلن اصرار
العود البي وتر بس واحد يموت
مايعزفلك الا بعدة اوتار

 

[تعب قلبي]

رد: شعر لمدينة الناصرية

●●●
طَرح في قِمَة الجَمَآل كلك ذووووق..
سَلِمت يُمنَاااك ويَعطِيك العَافِيه عَالطَرح..
لــكْ ودّيْ وَأكآليلَ ورْديْ ..
●●●

 

[حكاية صمت]

رد: شعر لمدينة الناصرية

عاشت يدك

طرح مميز

تحياتي