شعندك ياشكر
يا ماي
يمحلي الطعم بالروح
يا انته
شعندك يا حلم نبته
يلردته ابوريد الروح
خنجر بلجي احسن بيك
بلجي الكاك مره اتمزلك بروحي واكول انته
اشعندك ياشمس ميته
اشعندك سيرت يمي
تسيورة حلم .. ادريهه جذابه
وشمس ميته
هذا آني ...يبعد آني
يبعد الاجه....ويبعد الراح
شمعه بلاعرس معلوكَه
ياذلة ضواهه اتنزفه وليمته
هذا انه يبعيد .... اهناك
اشتل بالجرح طرواك
واهلال العمر....
لاهل ولا شفته
ولملمت الدمع تيزاب بعيوني
ولك تيزاب وحبسته
سهر بردي .. وجحيل ازركَـ
يل الخشبة الكَلب لو طكَـ
يالسحن الكحل بجفوفك اسحنته
اشعندك ياشمس ميته
جفنها الثلج والغيبة والسكتة
شعندك ياولك يا آآآخ يا هدمي
يدمي يفور ثلجتة
مسيّر وجايني جوريد يابس
لاخضار البيك يرويلي عطش عمري اللي يبسته
ولا فيضك دفكَـ زودي على صبخاية عشكَنة المات من وكتة
مسيـــّر جا كذلتك وين !
وجناغك ، معاضيدك محبس خنصرك الازرك البلعباس زورته
.
.
.
ذياب كَزار
يا ماي
يمحلي الطعم بالروح
يا انته
شعندك يا حلم نبته
يلردته ابوريد الروح
خنجر بلجي احسن بيك
بلجي الكاك مره اتمزلك بروحي واكول انته
اشعندك ياشمس ميته
اشعندك سيرت يمي
تسيورة حلم .. ادريهه جذابه
وشمس ميته
هذا آني ...يبعد آني
يبعد الاجه....ويبعد الراح
شمعه بلاعرس معلوكَه
ياذلة ضواهه اتنزفه وليمته
هذا انه يبعيد .... اهناك
اشتل بالجرح طرواك
واهلال العمر....
لاهل ولا شفته
ولملمت الدمع تيزاب بعيوني
ولك تيزاب وحبسته
سهر بردي .. وجحيل ازركَـ
يل الخشبة الكَلب لو طكَـ
يالسحن الكحل بجفوفك اسحنته
اشعندك ياشمس ميته
جفنها الثلج والغيبة والسكتة
شعندك ياولك يا آآآخ يا هدمي
يدمي يفور ثلجتة
مسيّر وجايني جوريد يابس
لاخضار البيك يرويلي عطش عمري اللي يبسته
ولا فيضك دفكَـ زودي على صبخاية عشكَنة المات من وكتة
مسيـــّر جا كذلتك وين !
وجناغك ، معاضيدك محبس خنصرك الازرك البلعباس زورته
.
.
.
ذياب كَزار
