شـكـثــر حـــبـيـتـــــــك

[ننۈڜـِـِـِهہ . . . =$‘]

فنك جاوبتني شكثر حبيتك
كلهم رخصتهم فقط غليتك
كلت يستاهل شما رخصتله الروح
يل مثل الشموع بدمع سويتك
حلو صح_ واعترف يمكن جمالك زاد
وي يوسف ابحسنك لمن عديتك
شجاك اتغيرت عني وعفتني اشلون
وانه من الشماته اشكثر وصيتك
صدك حناك غيري بحنه مره ايجوز
بس انه بأحلامي شكثر حنيتك
كالو لاتكتبه ولااا رفضت ابصوت
كدام اليضدك كمت خطيتك
وشلت اعزاز عندي وبدلتهم بيك
وبتعتاد امنياتي اولا خليتك
ياخنجر البي حسبت غيري ايموت
كد ماأمنتلك بدي حديتك
وراك اتسودنت كالو عليه الناس
لأن جم مره وحدي اعتقد حاجيتك
علكتك عالمنصه بكل قصيده اشموع
وعلى نفس المنصه بشعر طفيتك
اتراضيني هسه جابعد شيفيد
باب وعاصفه وبتعب سديتك
متت بجروحي واقتنعت اعيوني اتموت
وبدي فوك الجنازه بحبل شديتك....