شفت المات موت الله

[mohammed.shams]

بشوارعنه حزن
والجثث ماتنعد
ومثل درب الزيارة
الدرب كله اسود
ومن كَد مايخرطن
بالخدود نشوف
جم هلال أحمر
يابس على الخد
وتوابيت الجوامع كضن
وهنا صوت
بسكم لا يموت احد
خشب ماكو اليلمكم
لا يموت احد
احس هنا شفت مشهد
شفت المات موت الله
هله يصيحون خل نطلع ابوه
نخط الاستشهد
هنا صويحب استشهد
هنا صوت السعاف من الجثث مبحوح
هنا الدم على النشرات ضل يصعد
ومطرت والمطر مابلل الزاتوت
الفواتح صارت مضلات يمحمد
المكص مايمشي بقماش العلم مرتاح
بكثر مافوكه دم الثائر أجمد
هنا اخت الشهيد بربعه تتنشد
دگلهم راسه متهشم
عرفتي شلون
ادگلهم امس بالطيف شفته مهشم المعضد
هنا عوجية طاحت والأبو تبربد
هنا ام الولد ترست الكاع حفور
من كد ماشيل وتذب على الجرغد
هنا دكتور ذب سدريته لف نكاب
لأن على سديه شاف ابن امه المدد
والمگذل فزع حط للشوارب حد
المالحك على الفرهود التفرهد
زلم مطرقة قاضي موش للبسمار
من دگو رجل سكتوا روس شكد
نفق مرعب ومظلم مايطبله الذيب
بصور شبانه صار النفق مرقد
الكصيبة التنگص تضب خشبة التابوت
وغداً بالمحكمة برگابهم تنشد
والگبور العتيجة شبعت من الماي
لمن جاورتها گبورنه الجدد

 

[мя Зάмояч]

عـأِشت الـأيٍَــآدي ..

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير