مساءالخير اخوتي واخواتي الاعزاء
مسآءٌمعطر برضا وغفران وعفو من الرحمن وتُنيره حروف القرآن
اعزائي طبعاً اعتذر عن هذا الانقطاع عن المنتدى وعن هذا القسم الرائع
ولكن الدراسه كانت سبب ابتعادي عن المنتدى
والحمد لله انتهت الامتحانات وان شاء الله خير
احد الايام بوقت الغروب كنت راجع للبيت شفت اطفال تلعب ختيلان وركيضان ف اتذكرت من جنه بعمرهم ونلعب هاللعبات
ف اجتي ببالي بعض الابيات البسيطه
جسدتها بقصيده
ان شاء الله تنال اعجابكم
عنوانها
[ شفت صغار تلعب وكت الغروب ]
شفت زغار تلعب وكت الغروب
ختيلان ومراكض سويه
تمنيت انه اصيحن عوفو الحساب
اختلو انتو والحسبه عليه
واحد اثنين عشرة لا تطلعون
حي ع الجميع اگولن وخلهة بيه
وخل اركض وراكم من تركضون
والزمنكم واگولن موش اديه
الهوه طير لبسكم مو بدي طخيت
خلكم بالركض عوفو الاذيه
ويگلي وليد ليش براسك تصير
دفهمني دخيلك جا هيه وليه؟
واسمعن صوت عالي يصيح من بعيد
شمالك ولك شو دايخ اليوم
درت وجهي ولگيت الزمن هو يصيح
ويگلي انسه اللعب فكر بالهموم
كبرت انت وصرت مخزن لل الام
شتظن ممكن تذبلك فرح الغيوم؟
شلون تريد تضحك؟ هاي بيها اعدام
ولتفكر بعيدك انت تشري هدوم
ثوب الحزن لايگ لا تنزعه شبيك
شحلاته الثوب من يتنگع سموم
وتشم ريحة جرح من ادي الاثنين
ويصرخ هالگلب بس الحلگ مكتوم
شمالك يا زمن شو علي هديت
تره انه گلت اتمنى هيج يصير
ما رحت لعبت وياهم انه بساع
حتى تفكر انت وبيه كومه تحير
ما شايف ولك باحوالي انه شصار
صرت قصة حزن ما الها اي تفسير
وصرت ورده غريبه انطردت من الدار
وصرت حايط صلب وانحكم بالتدمير
وانا الناطق الرسمي لكل حزب حزنان
وانا ونة جهال اتيتمو بتفجير
اصحه يا زمن وافتح عدل هالعين
كل هذا انا صاير شتريد بيه يصير
بقلمي :، علاء كريم
14\6\2014
تحياتي
مسآءٌمعطر برضا وغفران وعفو من الرحمن وتُنيره حروف القرآن
اعزائي طبعاً اعتذر عن هذا الانقطاع عن المنتدى وعن هذا القسم الرائع
ولكن الدراسه كانت سبب ابتعادي عن المنتدى
والحمد لله انتهت الامتحانات وان شاء الله خير
احد الايام بوقت الغروب كنت راجع للبيت شفت اطفال تلعب ختيلان وركيضان ف اتذكرت من جنه بعمرهم ونلعب هاللعبات
ف اجتي ببالي بعض الابيات البسيطه
جسدتها بقصيده
ان شاء الله تنال اعجابكم
عنوانها
[ شفت صغار تلعب وكت الغروب ]
شفت زغار تلعب وكت الغروب
ختيلان ومراكض سويه
تمنيت انه اصيحن عوفو الحساب
اختلو انتو والحسبه عليه
واحد اثنين عشرة لا تطلعون
حي ع الجميع اگولن وخلهة بيه
وخل اركض وراكم من تركضون
والزمنكم واگولن موش اديه
الهوه طير لبسكم مو بدي طخيت
خلكم بالركض عوفو الاذيه
ويگلي وليد ليش براسك تصير
دفهمني دخيلك جا هيه وليه؟
واسمعن صوت عالي يصيح من بعيد
شمالك ولك شو دايخ اليوم
درت وجهي ولگيت الزمن هو يصيح
ويگلي انسه اللعب فكر بالهموم
كبرت انت وصرت مخزن لل الام
شتظن ممكن تذبلك فرح الغيوم؟
شلون تريد تضحك؟ هاي بيها اعدام
ولتفكر بعيدك انت تشري هدوم
ثوب الحزن لايگ لا تنزعه شبيك
شحلاته الثوب من يتنگع سموم
وتشم ريحة جرح من ادي الاثنين
ويصرخ هالگلب بس الحلگ مكتوم
شمالك يا زمن شو علي هديت
تره انه گلت اتمنى هيج يصير
ما رحت لعبت وياهم انه بساع
حتى تفكر انت وبيه كومه تحير
ما شايف ولك باحوالي انه شصار
صرت قصة حزن ما الها اي تفسير
وصرت ورده غريبه انطردت من الدار
وصرت حايط صلب وانحكم بالتدمير
وانا الناطق الرسمي لكل حزب حزنان
وانا ونة جهال اتيتمو بتفجير
اصحه يا زمن وافتح عدل هالعين
كل هذا انا صاير شتريد بيه يصير
بقلمي :، علاء كريم
14\6\2014
تحياتي
