لو كآن في الشعر الشعبي معلقات لكانت قصيدة الشاعر الكبير المرحوم عطا السعيدي معلقة الشعر الشعبي لما فيها من الحكم والتصوير والفن والأدب والاستعارة
يعيني الله اعله العواصي من السنين
شكثر بيّه عناد ويه العاصيات
وزه يوازني و أواكح ما ألين
وارجي ضلعي اعلى الرماح المُشرعات
آخ ماكولن وهذا الما يصير
ولا اطمعهن وابينلهن شكات
هي روحي ووطنتها اعلى اللهيب
وميزة الفولاذ يصكَل بالشوات
طبعي كَهوه اشما تعظني النار حيل
أكسب من النار محمود الصفات
روحي ابوهه الضيم وأمها المستحيل
وهي وسنين الكَحط ولدن خوات
انه مغرم بالثكَال من الحمول
وصلب عودي وهالجتاف معركات
شكثر منهن حمّلت بس ما لعيت
ودفّتي من الجلد طلعت والعبات
وحدر هدمي وكَامتي يتكسرن
والنصال اعلى النصال مخالفات
واعتنيهن لو علي ما سيّرن
خاف ينكَال انكسر بالعاتيات
ولو أدريهن ضواري ولا أهاب
وكمت اواسدهن وألف راسي وأبات
الحكمه انك تعتنيهن للمكان
لا تتانيهن يجنك صايلات
أنثر غبارك على وجه السنين
كلهه تفنى وهنَ ذن الباقيات
والله ليطخ كَامته يسموه ذليل
وانه ما أرضى تصفني بهالصفات
مر علي كل شي وضكَت حد ما رويت
خاف أكَدر خاطرك بالتسميات
العسر والجوع والهم والدموع
وكَصره اليد والهدوم الباليات
آنه فضله ضيم فرتني الرحي
ودولبتهه ومللت طاكَ الرحات
وبخضم هذا الصراع تريد انام
ياغشيم ينام ويلذ بالسبات
خل أشد وزار واتلكه الصعاب
كبل لا يسطن علية موزرات
ولو طاح الريش ولحيمي ارد اطير
واشتل ضلوعي ابّدال السبكَات
لا تكدر خاطري لو ردت أجيك
وتشتكيلي من المضن والآتيات
انه عاندت الوكت وبمشتهاي
وصرت حتى من ارد اموت بمشتهات
وصرت ممن لأن عاري من الثياب
وهو ياسلاب لي يسلب عراة
برغم كل الصار وبرغم اليصير
ما تزل أجدامنا المن ثابتات
انه ما مجبور اصدك ما يقال
ولا أردد ما سمعته من الرواة
انه مصدرهن اذا زل الحديث
وانه بهلول اليفصل الراهيات
آنا بارم خيط وكتي بهالجفوف
وبإيدي سديت الغزل للمسعدات
شلون أجفل عكَب ما صار الطراد
وجنت أتانيهن وهن محددات
كبت لتكب الاهدان المستكين
البوم ما جفّل الصيد من الفلاة
ولحية الما تنحشم يوم الصياح
لا تعدهه من اللحايا الغانمات
عيش ذيب الدنيا مو دنيه خِراف
الموت للخرفان تحيا الضاريات
هم شفتلك ذيب جتفوه للكصاص
وداعتك بس الشياه مجتفات
وهي (تحذير رابط هكر لاتضغط عليه) وذيب يسطه اعلى ذيب
ويْـ تعشّى بصاحبه كبل الغدات
يا دواليب الوكت فريني حيل
انه ادور راحتي بالموزمات
بيه سوله السهل ما والم هواي
الا امد ايدي والوح العاليات
ولا ادور طوش من حدر النخيل
كود اعت روس العثوگ المثْكَلات
الماي من يركد فسد ما أشتهيه
ومن خِبَاط الماي اطَلْع الصافيات
وحصّتي من الخيل تعجبني الجموح
شنهو نفعه الما يروض الجامحات
واعتني النزرات كل ما أبعدن
وقيمه المنظوم جمع الشاردات
وهيه لذْة الصيد أصلا بالطراد
وخيبة الكَانوص جمع الطايحات
عطا السعيدي
يعيني الله اعله العواصي من السنين
شكثر بيّه عناد ويه العاصيات
وزه يوازني و أواكح ما ألين
وارجي ضلعي اعلى الرماح المُشرعات
آخ ماكولن وهذا الما يصير
ولا اطمعهن وابينلهن شكات
هي روحي ووطنتها اعلى اللهيب
وميزة الفولاذ يصكَل بالشوات
طبعي كَهوه اشما تعظني النار حيل
أكسب من النار محمود الصفات
روحي ابوهه الضيم وأمها المستحيل
وهي وسنين الكَحط ولدن خوات
انه مغرم بالثكَال من الحمول
وصلب عودي وهالجتاف معركات
شكثر منهن حمّلت بس ما لعيت
ودفّتي من الجلد طلعت والعبات
وحدر هدمي وكَامتي يتكسرن
والنصال اعلى النصال مخالفات
واعتنيهن لو علي ما سيّرن
خاف ينكَال انكسر بالعاتيات
ولو أدريهن ضواري ولا أهاب
وكمت اواسدهن وألف راسي وأبات
الحكمه انك تعتنيهن للمكان
لا تتانيهن يجنك صايلات
أنثر غبارك على وجه السنين
كلهه تفنى وهنَ ذن الباقيات
والله ليطخ كَامته يسموه ذليل
وانه ما أرضى تصفني بهالصفات
مر علي كل شي وضكَت حد ما رويت
خاف أكَدر خاطرك بالتسميات
العسر والجوع والهم والدموع
وكَصره اليد والهدوم الباليات
آنه فضله ضيم فرتني الرحي
ودولبتهه ومللت طاكَ الرحات
وبخضم هذا الصراع تريد انام
ياغشيم ينام ويلذ بالسبات
خل أشد وزار واتلكه الصعاب
كبل لا يسطن علية موزرات
ولو طاح الريش ولحيمي ارد اطير
واشتل ضلوعي ابّدال السبكَات
لا تكدر خاطري لو ردت أجيك
وتشتكيلي من المضن والآتيات
انه عاندت الوكت وبمشتهاي
وصرت حتى من ارد اموت بمشتهات
وصرت ممن لأن عاري من الثياب
وهو ياسلاب لي يسلب عراة
برغم كل الصار وبرغم اليصير
ما تزل أجدامنا المن ثابتات
انه ما مجبور اصدك ما يقال
ولا أردد ما سمعته من الرواة
انه مصدرهن اذا زل الحديث
وانه بهلول اليفصل الراهيات
آنا بارم خيط وكتي بهالجفوف
وبإيدي سديت الغزل للمسعدات
شلون أجفل عكَب ما صار الطراد
وجنت أتانيهن وهن محددات
كبت لتكب الاهدان المستكين
البوم ما جفّل الصيد من الفلاة
ولحية الما تنحشم يوم الصياح
لا تعدهه من اللحايا الغانمات
عيش ذيب الدنيا مو دنيه خِراف
الموت للخرفان تحيا الضاريات
هم شفتلك ذيب جتفوه للكصاص
وداعتك بس الشياه مجتفات
وهي (تحذير رابط هكر لاتضغط عليه) وذيب يسطه اعلى ذيب
ويْـ تعشّى بصاحبه كبل الغدات
يا دواليب الوكت فريني حيل
انه ادور راحتي بالموزمات
بيه سوله السهل ما والم هواي
الا امد ايدي والوح العاليات
ولا ادور طوش من حدر النخيل
كود اعت روس العثوگ المثْكَلات
الماي من يركد فسد ما أشتهيه
ومن خِبَاط الماي اطَلْع الصافيات
وحصّتي من الخيل تعجبني الجموح
شنهو نفعه الما يروض الجامحات
واعتني النزرات كل ما أبعدن
وقيمه المنظوم جمع الشاردات
وهيه لذْة الصيد أصلا بالطراد
وخيبة الكَانوص جمع الطايحات
عطا السعيدي
التعديل الأخير:
