شلك بالورد مادام تهوه الشوك

[Your destiny is I am]

لاتشتل نخـــــل مـــــادام مو فلاح
بـــــاجر بس تطخ براسك تحصده
لــوتنصب شرك وتفره عـــالبستان
النخل ماترضى غيرك واحد يصعده
وشلك بـــالورد مادام تهوه الشوك
اذا مــــاتحترمــــها تشور الـــــورده
يالمخليني عايش عالسراب اسنين
وعلى طاري السراب سنيني تتبده
ويـــالدليتني بدرب الـــوهم ضليت
تعبني الـــدرب بــالروحــه والـــــرده...
ويـــالشتليتني بنص النهــر سباح
وتكلـــــي الــروج مــن يكابلك صــده
ويالدافن اجروحي وهنه بيهن روح
الكــــاع اشمـــا تنز كـــول الجرح نـده
كافي وحبل ضلمك عمر تفتل بيه
رخــه هسه الحبل ونحلت الــــــعكده
تسد باب الفرح تكـــدر عليه بهاي
بس بــــاب الهـــوى مـــاتكدر تســده
تخض اسنين عمري تريد توصل وين
اللبن كلــــما تخضه تطلـــع الـــزبـــده
ردت نقطة ضعف تلزم علي غلطان
على بــــاب الشمس يـــــاضوه اليتعده
يــلم بيـه الصبح بيدر حنين وشوك
ويــذريني العصـــر مـــرواحـــك بشــده
حتى الــــريح يفهم شيلة المرواح
مــــو شيلة فلـــح شيلة حـــقد عنـده
وانزل حبـه حبـه ازرعني وين تريد
سنابـــل اطلـــع اعلى الكــــاع واتبـــده
عشرتنه انتهت عشرة كراب وسيف
السيف الينكســـر لــــكرابــه شيرده​

 

[♥мs.мooη♥]

رد: شلك بالورد مادام تهوه الشوك

شكر جزيلا للطرح القيم
ننتظر المزيد من ابداع مواضيعك الرائعه
تحيتي وتقديري لك
ودي قبل ردي

 

[حہلم آلفہرآشہة]

رد: شلك بالورد مادام تهوه الشوك

حلوووة
شكرااا غلاتي

 

[Your destiny is I am]

رد: شلك بالورد مادام تهوه الشوك

منــــــــــــؤرآت حــآبيبآتي