- إنضم
- 5 أغسطس 2019
- المشاركات
- 94,056
- مستوى التفاعل
- 12,361
- النقاط
- 187
- الاوسمة
- 1
شهديلك ابهذا العيد!!!
جرح!
لو حزن!
لو دمعه!
ياشوك الخميس الراح
شيب ليلة الجمعه!
اهديلك جرح زعلان
مايعجبني كل طبعه
من ايشوف
زفه اتفوت
حتى الشارع ايكطعه!
لو اهديلك الونات
تطلع كلها متفرعه
بالجادر يصيحن صوت
راح وما اله رجعه!
لو اهديلك الوجعات
وجعه التلجم ابوجعه!
شهديلك
ابهذا العيد!
سولف واطلب ابسرعه!
اهديلك جرح مذبوح
طاح وما لحك ربعه
لو يلزك
ابنص الروح
فنه اليكدر ايشلعه!
لو اهديلك الحسبات
كلها ابليلي متوزعه
والليل اليذب حسرات
فارك لمعة الشمعه!
اهديلك
ألم خرسان
يصرخ محد ايسمعه
ضل يتلاوه ويه الموت
عود امناطر الفزعه!
غركان وشحيح الصوت
ياهو الينزل ايطلعه!
ياصدفه
التمر بسكوت
حتى اتلاحك الوضعه!
مات ابحسرته ومكبوت
محد لَحك ايودعه!
محد لَحك ايودعه!
حسين االساعدي
جرح!
لو حزن!
لو دمعه!
ياشوك الخميس الراح
شيب ليلة الجمعه!
اهديلك جرح زعلان
مايعجبني كل طبعه
من ايشوف
زفه اتفوت
حتى الشارع ايكطعه!
لو اهديلك الونات
تطلع كلها متفرعه
بالجادر يصيحن صوت
راح وما اله رجعه!
لو اهديلك الوجعات
وجعه التلجم ابوجعه!
شهديلك
ابهذا العيد!
سولف واطلب ابسرعه!
اهديلك جرح مذبوح
طاح وما لحك ربعه
لو يلزك
ابنص الروح
فنه اليكدر ايشلعه!
لو اهديلك الحسبات
كلها ابليلي متوزعه
والليل اليذب حسرات
فارك لمعة الشمعه!
اهديلك
ألم خرسان
يصرخ محد ايسمعه
ضل يتلاوه ويه الموت
عود امناطر الفزعه!
غركان وشحيح الصوت
ياهو الينزل ايطلعه!
ياصدفه
التمر بسكوت
حتى اتلاحك الوضعه!
مات ابحسرته ومكبوت
محد لَحك ايودعه!
محد لَحك ايودعه!
حسين االساعدي
