اول ما مشيت شكد لكيت وجوه
ماصادفني واحد بي ملامح خل
وين الكة اليشبهك وانتة عكس الناس
كل الناس واحد وانتة وحدك كل
اذل الحب الاول من اقيسة وياك
معزتة كبال حبك شي طبيعي تقل
دليني ارد اجيك منين ما تنصاد
كافي الشمس غابت وانة ادور ضل
مو بس الملامح حافظ البصمات
واتلمس واطلعك لو نويت تهل
اول ما عكدتك ضاع راس الخيط
راس الخيط ضايع بيش جاي تفل؟؟
على لكمة جهالة يدنك العصفور
يفلان اليريدك لا تحسبة يذل
عفتني وما كرهتك وامي بيهة الصوج
ما خذ من طبعها منين اجيبن غل
ما يمشي الوكت يومية ارجع الميل
شلون تريدني اصبر والدقيقة تشل
كمت اكتب عليها وتضحك الحيطان
مو بلساني صاير بلكتابة ارتل
خلص حيلي بغيابك واجرت حمال
يوكف عل نفس ويصعدة من ينزل
عشر اجيال كبرن وانة صافن بيك
جفل تمثال يمي وما رضيت اجفل
خذت طبع السمج بأول وداع يموت
يعرف يصير لكمة وما يعرف يذل
يومية 12 بليل اذكرك واختنك عبرة
مثل الجان عدها وليد مات ومالكت كبرة
ما مليت منك واليتاني يمل
على غير الورد ما ينزل الفراش
مو شغلة تكبر شاعريتة تقل
::::::::::::::::::::::::::::::
للرائع مهند العزاوي
