رد: صورة وحكاية ( بعدساتكم حصرا)
حكاية هذه الصوره ببساطه
نزلت من غرفتي في فندق بضواحي برلين
حبيت اخذ كهوه او كابتشينو ، واكعد اتأمل الجرمان ههه
بس لمن وصلت المطعم شفت النادل يصب بيره للزبائن
من دورق كبير ، وشفت الرغوه شلون تنزل على ايده، فلعبت نفسي بصراحه ، لان حياتي كلها ماشارب خمر..
المهم انحرجت فطلبت قنينة مياه معدنيه
شو هذا انطاني هذا البطل ، وكان سعره غالي نسبيا 5يورو
مايعادل 7الاف دينار عراقي. دفعت فلوسه
بس بقيت بشك ، لان شكل البطل مو مال مي هههه
صعدت للغرفه فتحته ، وشوويه صبيت منه بالقبق
اشمتيته ، مابيه ريحه لاخمر ولا شي، كنت شاك بيه
شكله مو مال مي هههههه ولا مكتوب عليه وواتر مثلا
المهم ضحكت على نفسي وشربت منه والباقي صورته للذكرى.