صياد الهموم
ضمني بليل ثاني وحل حلال الخل
شحيحه افراحنه ودكانها معزل
البسمة نبوكهة من الاه والياويل
وصياد الهموم بدفتره يسجل
يا كلبي شبعد ؟ ومعكرات الكيف
زّمن توزهن ما اظن بعد تحمل
يولنك ضواري امهذبات الناب
لا مخلص يعينك لو ردت تجفل
يمشاجج زمانك حد كطاع النيط
تترجه الشفه وشكواك سل اتسل
ما عاد الصبر يلجم مصب العين
ولا مثل الخلك بدموعنه نمثل
ولا ذيج المضايف عاجدة الديوان
ولا سربة وذن برياضهن تصهل
ولا شارب يرف لو مطكت ام عريف
ولا شكرة جعد بوجوهنه تهلهل
مصخت والضماير غبراها الغيض
ولا مدرع فشك ينحر صدور الخيل
ومابين اللميض ايحول تحول
ولا صاحب ذرب ويوجد الماذيك
يبسط خاطرة وفوك الجرح ينزل
مصخت والضماير مصخاهها الغيظ
وامتد الدرب وام الفرح مثجل
وطالت والعمر كلما تلف بيه يطول
غم ذاك العمر من ينكضي تعلعل
شي عاشت لفو وتروم هذا وذاك
وشي كضت عمرهها بنعم وتوسل
وشي حربة مواسم تنبت ابكل كيف
اشما بدل وكتها لحالها تبدل
وشي تلهث عمر تجمع ورق وارقام
لحد كطع النفس وبمالها تنعثل
امناحر والخلك ما تعرف المعروف
ماخذها الطمع وبلا سبب تكتل
ماني من ارد اسولف واكشف المغلوك
يغدي الحك صبر وحجايتي تزعل
يلشعرك مليل حل حلال الخل
وطول واهسك للواهسة مخيل
اسلم من عذاب الاه والياويل
وعللني ابهواك العافية اتعلل
كل بوسة غفو تطرز حياتي نجوم
وكل شمة نحر جبرة خليل الخل
يا تالي المزن جل العمر عيسوب
وفوك امروز روحي الزور صاير جل
مدنف فوك وكري ابطارف الصعبات
وصكور الروابي العالية اتزبل
مشكلتي الفرح ما عرف بابة منين
وبثوب الحزن من زغر متمشكل
ناورني الدمع باول مدب علكاع
وناغمني الحزن وي رنة الجنجل
ضميت الصداكَة لساعة الكلفات
واحزرت الذخر لن جودها موشل
حل شعرك حبيبي الليل بلكي يطول
لا خيط الفجر يستعجل من ايهل
الشاعر الكبير المرحوم
عريان السيد خلف
ضمني بليل ثاني وحل حلال الخل
شحيحه افراحنه ودكانها معزل
البسمة نبوكهة من الاه والياويل
وصياد الهموم بدفتره يسجل
يا كلبي شبعد ؟ ومعكرات الكيف
زّمن توزهن ما اظن بعد تحمل
يولنك ضواري امهذبات الناب
لا مخلص يعينك لو ردت تجفل
يمشاجج زمانك حد كطاع النيط
تترجه الشفه وشكواك سل اتسل
ما عاد الصبر يلجم مصب العين
ولا مثل الخلك بدموعنه نمثل
ولا ذيج المضايف عاجدة الديوان
ولا سربة وذن برياضهن تصهل
ولا شارب يرف لو مطكت ام عريف
ولا شكرة جعد بوجوهنه تهلهل
مصخت والضماير غبراها الغيض
ولا مدرع فشك ينحر صدور الخيل
ومابين اللميض ايحول تحول
ولا صاحب ذرب ويوجد الماذيك
يبسط خاطرة وفوك الجرح ينزل
مصخت والضماير مصخاهها الغيظ
وامتد الدرب وام الفرح مثجل
وطالت والعمر كلما تلف بيه يطول
غم ذاك العمر من ينكضي تعلعل
شي عاشت لفو وتروم هذا وذاك
وشي كضت عمرهها بنعم وتوسل
وشي حربة مواسم تنبت ابكل كيف
اشما بدل وكتها لحالها تبدل
وشي تلهث عمر تجمع ورق وارقام
لحد كطع النفس وبمالها تنعثل
امناحر والخلك ما تعرف المعروف
ماخذها الطمع وبلا سبب تكتل
ماني من ارد اسولف واكشف المغلوك
يغدي الحك صبر وحجايتي تزعل
يلشعرك مليل حل حلال الخل
وطول واهسك للواهسة مخيل
اسلم من عذاب الاه والياويل
وعللني ابهواك العافية اتعلل
كل بوسة غفو تطرز حياتي نجوم
وكل شمة نحر جبرة خليل الخل
يا تالي المزن جل العمر عيسوب
وفوك امروز روحي الزور صاير جل
مدنف فوك وكري ابطارف الصعبات
وصكور الروابي العالية اتزبل
مشكلتي الفرح ما عرف بابة منين
وبثوب الحزن من زغر متمشكل
ناورني الدمع باول مدب علكاع
وناغمني الحزن وي رنة الجنجل
ضميت الصداكَة لساعة الكلفات
واحزرت الذخر لن جودها موشل
حل شعرك حبيبي الليل بلكي يطول
لا خيط الفجر يستعجل من ايهل
الشاعر الكبير المرحوم
عريان السيد خلف
