ضعنه يخويه حسين

[آهاات حالمة]

مــن غـفت عينــــك = ماغمض جفــــني
ضعنه يخويه حسين = عكبك ينور العين
ماغمض جفني
*******
ﭽنت يبن النبي الهادي = ســـــلوتي بالدنيه كلها
انته نور العين خويه = وانته لختك صرت أملها
ماتضوﮒ النـــوم عينك = تســهر وتسهر لجلها
اربينه بحجر حامي الحمه
وارضعنه ثـــــدي الغانمه
ومن نبعه طفينه الضمه = وبأسمه كل عقده نحلها
ﭽنت إلي خويه = ومن صغر سنّي
تحرس خدري عيناك = والخدر صاح اوياك
ماغمض جفني
*******
شفنه ياخويه الهضيمه = من بعد والد الزهره
وشفنه بسمار الضغينه = الورّث ابكل ﮔلب جمره
فارﮔتنه ومشت عنّه = او ودّعتنه الصبر بذره
ابهالفرﮔـه ماﭽنّه نظن
ابهالمحنه خويه نمتحن
تقاسمنه يبن امّي الحزن = بصدرك وصدري الحسْره
دمعتي ابعينك = ودمعك ابعيني
ودّعناها ابياحال = والدمع خويه اشـﮔال
ماغمض جفني
*******
من بعد امنه وفـﮔدها = الدمع بـﭽفوفه عمانه
لاكن الوالد يخويه = من ضواه اشرق ضوانه
وعن حنان امنه وسهرها = عوض الوالد حنانه
لاكن الدمعه والسهر
ما تقبل تعوف النظر
اعله الوالد ﭽفوف القدر = امْتدّت العِزْنَه وحمانه
ابألم يبن امي = الوالد ودّعني
ﭽبدي ياخويه انعاب = من يوم ابونه غاب
ماغمض جفني
*******
اتوالت اعلينه المصايب = اعيونّه عافت الفرحه
جرح فـﮔد الأبوبعده = ينزف الهالحين جرحه
وفـﮔد اخونه الحسن تدري = غطّه ﭽف الليل صبحه
جرحين صارن بالـﮔلب
والثالث علينه صعب
تيّهْنَه دهري ابيا درب = اعلينه سدد خويه رمحه
ياسهم مسموم = بـﭽبدي صوبني
صوبني سهم البين = الفـﮔد اهلي الطيبين
ماغمض جفني
*******
مشــه بينه العُمُرخويـــــــــــه = وهيبتك هيبة ابـــــــونه
وصرت اشوف الأبو ابشخصك = ونظرتك نظرة عيونه
ارعيت هالأمــــــه بحنـــــــانك = لاكن ابود مارعـــونه
قررت تنشر دعوتك
وللحق ترفرف رايتك
وللأمّه تنقذ غايتك = تـﮔوّض الباغي ومِجونه
قرّرت تنهض = وﮔلت ميهمني
لجل الحق كلنه نموت = ولمّن وصلني الصوت
ماغمض جفني
*******
سارت اضعون الهواشم = وسارت اوياها المنايه
الكربله قاصد تريد = اتبدّل الكفر ابهدايه
وبوسط ميدان حربك = للرساله انشرت رايه
اتمثّل الهادي ودعوته
اترجّع الحق السلبته
اتفنّد افكار الحرفته = الجعلت من الدين غايه
تريد تصلحها = والها متْعَنّي
ولجل دين الهادي = امّة جدي اتنادي
ماغمض جفني
*******
دنت ساعات الموادع = تزحف اعله الخيم ﭽنها
وانظر جيوش الأعادي = ماأشوف الخير منها
هذي اسلام الأجتنه = لو كفر انشِدك عنها
بسيوفها انشوف الخطر
وتعدادها ابمد النظر
هالجيش للطف من حظر = غايته الحربك يشنها
صوتك اتسمعه = وتعرف اشيعني
لاكنها ترفض صوتك = من اسمعها تطلب موتك
ماغمض جفني
*******
شفت ساعات الرهيبه = والكدر مد إلنه إئيده
وشفت ﭽف الظلم يمتد = يذبح اولاد الصميده
وشفت اجساد ونحور = اموذ ّرَه من اجل العقيده
وشفتك يخويه اعله الثره
واجساد اخوتي اموذره
وشفت الخيَم متوجره = وبالطفوف ابقه وحيده
من غفت عينك = ماغمض جفني
ضعنه يانور العين = عـﮔبك ياخويه حسين
ماغمض جفني
*******
من بعد عينك يخويه = أسّرتنه آل اميّه
ومن ظلّك بقينه = نستظل بأعظم رزيّه
قيود وسياط وغنائم = سرنه من الغاضريه
عـﮔبك يخويه اتْمَحّنت
وخدري يصيح اتْسَلّبت
سهرانه خويه ومانمت
وحدي ظلّيت وأعاني = من ظلم اهل الضغينه​

 

[مغلق]

رد: ضعنه يخويه حسين

تسلم الايآآدي على روعة الطرح

 

[المشتاق]

رد: ضعنه يخويه حسين

أبنتي المبدعة
آآآهآآآآآت حآلمــــــــــــــــة

سلمت يدآكِ لهذه اللوحة الحزينه

{{ ضعنه يخويه حسين }}
إختيآر موفق

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[‏أعہشہقہ أنہفہاسہكہ]

رد: ضعنه يخويه حسين

كًٍلماُت فيُ قمٌةالروُعٍة00 حِروٌف تتسٍللَ الىْ القُلب فتٍأسره بجُمالها00 كٌلمات مُن تقِاة بٌذوٍق رُائع00ٌ اشًكرك جزُيلٍ الشِكٌر ع الٌإختيٍاُرآلمُبْدِع مثلًك00 تقٌبل بكل ذوُوٌق مروري مٌن هنا

 

[قيصر الحب]

رد: ضعنه يخويه حسين

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[كيان الم]

رد: ضعنه يخويه حسين

اخذت اتجول بين الكلمات
وارتشف منها اعذب المعاني الساحرات
وقطفت منها اجمل القطفات
فكانت لدي ارقى مقطوعات
عزفت على اوتار الخربشات
سلمت على هذا الطرح الراقي
وعلى هذا السحر الفتان
جٌل محبتي والإحترام
تحياتي لك لا عدمناك

 

[آهاات حالمة]

رد: ضعنه يخويه حسين

اسعدني وشرفني مروركم
لاحرمت طلتكم الجميلة بمواضيعي
ارق التحايا لكم