ضلو يدعولك بالعثره

[mohammed.shams]

الله يساعد كلبك حيدر
شاف شگدضيم من الناس

شاف الضيم الماشافه احد
بيك ايوب ولاء ينقاس

عاگول يشتلون بدربك
وانته ضنونك ديرت ياس

تسير زم زم صوب الشجره
وغيرك جان يسيرفاس

حساسك يفرق عن الوادم
حساسك ينشاف وينجاس

الودام ماتندل النعمه
يحبون الچف الينباس

من ماتتفاهم وي واحد
كول الفراق جان احساس

الحكموهم كبلك علموهم
عالعيب احجيهن والكاس

علموهم ذيل يسونه
الراس وذيل يصير الراس

وهسه شكد طلعو من عدهم
عرج العيب يضل دساس

من ماصدكو انته اتصلي
من الناس كطعنه الياس

سچت حكمك من شافوهه
تأدي الرب الشط والطير

ضلو يدعولك بالعثره
هاي اطباع المابي خير

يرحولك فدوه المومثلك
من المنكر للتزوير

من تثكل بس انته تبين
مابي حيل فلان يصير

وانته مكفي وزايد وكثر
ماتتنطر سيف الغير

العسكر والفارس نفس الشي
بعينك يزغر كل اچبييييير

خيوط الحمره لجام المهرك
مهرك دنيه وبيه اتغير

كلشي بأيدك جان وتكدر
حدر الكاع وفوك اتسير

تكدر چنت اتخلي الصبخه
تخضر لير وموش اشعير

جفك مبروك ولوشافك
الجفك يصعد ماي البير

يطهر روحه الماي بجفك
ربك خصك بالتطهير











مرتضى حرب

 

[mohammed.shams]

ضلو يدعولك بالعثره​

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير