ضيعيتك
ضيعيتك .... صفنه وي صفنة يتيم
وتيهيتك .... دمعه بخدود الحزن
عيني رمده وداعتك مابيهه شوف
وأنت كشه وطارت اببيدر تبن
حالي أم وراجع ابديرتهه أسير
وشنهي نشد ال بالحرب ضاعلهه ابن
اطلابه عمري وعاهره اشيوخ السنين
وانت بخت احجايه تكرهه ال لسن
وينك أنت .... ال ليل خلصته ابقنوت
يا اله الشوك حل بيه ال لعن
باقي حب اشعير وغيابك حصار
وسلماني الجوع لأطواك الطحن
جان خلكي البور وأزرع مشتهاي
اتصبخ ابلياك يل خذت الرشن
جان مربط خيلي من أحجي ابهواك
وهسه شربط (مهره) بمجان الوذن
أنت تدري ابراس بالي اشكد فليت
امن الدواره اعيوني لزكت بالذهن
صوت وني اعليك ما خلالي ذوق
وخامة أسمك صوت شايلته الاذن
أنت اسمك من يمر أطرب ونين
روحي ثكلى اعليك تكتل من توون
ساعة الحمره أصبحت يوم المشيت
حمره مو سوده أصبحت من الطعن
ودمعة الندمه ارسمت بعيوني موس
موس باشط جان شيسده الجفن
فوك صيرة ردتك جيمه الجروح
وشامتي التنور حطهن بالحضن
وينك أنت .... اطحين سواني الغياب
ونكعاني اجفاك وابحركه أنعجن
وينك أنت .... الدنيه زنزانة بريئ
روحي تنطر والهوى سركي ابسجن
كلبي مسحاة الفلح تعبته حيل
نوبه أرفسه ونوبه اشيله اعلا المتن
روحي ذاهت ليك يل مدري أنت وين
ابغير روحك روحي عدمن تستجن
باثه باثه ابمنجلك تحصد سنين
فدوه رد العمري وإترسلك حضن
ضيعيتك .... صفنه وي صفنة يتيم
وتيهيتك .... دمعه بخدود الحزن
عيني رمده وداعتك مابيهه شوف
وأنت كشه وطارت اببيدر تبن
حالي أم وراجع ابديرتهه أسير
وشنهي نشد ال بالحرب ضاعلهه ابن
اطلابه عمري وعاهره اشيوخ السنين
وانت بخت احجايه تكرهه ال لسن
وينك أنت .... ال ليل خلصته ابقنوت
يا اله الشوك حل بيه ال لعن
باقي حب اشعير وغيابك حصار
وسلماني الجوع لأطواك الطحن
جان خلكي البور وأزرع مشتهاي
اتصبخ ابلياك يل خذت الرشن
جان مربط خيلي من أحجي ابهواك
وهسه شربط (مهره) بمجان الوذن
أنت تدري ابراس بالي اشكد فليت
امن الدواره اعيوني لزكت بالذهن
صوت وني اعليك ما خلالي ذوق
وخامة أسمك صوت شايلته الاذن
أنت اسمك من يمر أطرب ونين
روحي ثكلى اعليك تكتل من توون
ساعة الحمره أصبحت يوم المشيت
حمره مو سوده أصبحت من الطعن
ودمعة الندمه ارسمت بعيوني موس
موس باشط جان شيسده الجفن
فوك صيرة ردتك جيمه الجروح
وشامتي التنور حطهن بالحضن
وينك أنت .... اطحين سواني الغياب
ونكعاني اجفاك وابحركه أنعجن
وينك أنت .... الدنيه زنزانة بريئ
روحي تنطر والهوى سركي ابسجن
كلبي مسحاة الفلح تعبته حيل
نوبه أرفسه ونوبه اشيله اعلا المتن
روحي ذاهت ليك يل مدري أنت وين
ابغير روحك روحي عدمن تستجن
باثه باثه ابمنجلك تحصد سنين
فدوه رد العمري وإترسلك حضن
