يُمَّه ذوله اهل القصر مالاعبوني
يمه من شافوني اجيت
اتنادسو واستغربوني
يمه ماسموني باسمي
وكالوهذا ابن الفقير وشتـّموني
يمه جا هوه الفقيرشسوه من نجله بعمرهم؟!
يمه جا هيه الصريفه اشماخذه وخايف قصرهم؟!
يمه كالو كلشي كالو
يمه كالو لا تمرمنا بعد بالك تشم ريحة وردنه
يمه وبجدمك الحافي نخاف يتـّربْ عكدنه
يمه عدهم كلشي عدهم واحنه بس الماكو عدنه
يمه لعابات عدهم مدري شنهي
وانه لعاباتي طين
يمه حته ثيابهم مستغربتني
يعاتبن ثوبي الحزين
يمه ليش احنه فقره
وليش اهلهم زناكين
يمه دين الفقره متعب
خل نبدله بغير دين
للشاعر الشعبي العراقي
فلاح عسكر
دمتم سآلميـن
