ظلمة الدنيه وتمطر حيل
وعتني كليبي وراد ايشوفك
ظلمة الدنيه وسجة بعيدة
كل هذا وماراد ايعوفك
يتذكر وكفات الموعد
ويتذكر شبكات اجفوفك
جنت بعيني اجمل وردة
وجنت الدفتر وانه احروفك
صاير مدة غايب عني
وغابت عني حتى اطيوفك
خايف من اسيوف العاذل
وضربتني ياحيف اسيوفك
..................................
ظلمة الدنية وهزني الشوك
وتدري بشوكي أشكد أصيل
متعذبة الروح بهجرانك
وادموعي اعله اخدودي تسيل
جنت اعطش جفك يسكيني
وجنت اشتمك ريحة هيل
ارد اسمعك جلمة وحدة
يمسهرني بطول الليل
اشما تنسى انت وتزعل
كلبي الغيرك لا ميميل
بقلمي
مجيد السيد
