عالم المنتديات

[رامي النجفي]

سنة 2005 ماكان اكو مواقع تواصل اجتماعي غير المنتديات ، و جيلنا اني و شموخ انسان بلشنا بالمنتديات قبل انتشار هذه البرامج الاخرى ، كان عالم المنتديات عالم مفتوح جدا تجد به كل الطبقات الفكرية و لكن تحكمهم قوانين تخضع للآداب المجتمعية ، لذلك من بعدها استمرينا في هذا العالم لان صار عدنا اصدقاء بالقلم وما نحب نبتعد عنهم ، مع انتشار مواقع التواصل صحيح قل عدد الاعضاء الفعالين في المنتديات بل قل وتقلص عدد المنتديات الفعالة اصلاً ، لكن المنتديات گدرت تحافظ على روادها و هذا الحاصل حالياً لو تلاحظ اغلب النشيطين في الفخامة هم من الرواد


وماذا عنك ياصديقي؟ قص علينا تجربتك

تحيتي

 

[زهرة اللـوتس]

دخلت عالم المنتديات من اول مرة صار ابيتنا انترنت بــ سنة 2012 .. جنت اكتب خواطر وشخابيط بدفتر وادور بنفس الوكت على اشعار ابوذيات ودارميات وكذا وشفت موقع عجبني بيه سوالف عراقية ،، فقررت انزل شخبوطة من شخابيطي ودزولي ملاحظة انو اذا سجلت راح تنضاف مشاركتي تلقائيا بدون ما تفحصها الادارة فاني رحت وسجلت وشفت كمية المديح والاعجابات بالشخبوطة مالتي فطمعت ونزلت الثانية ،، ومن عدها وقررت لازم اتفاعل بالمنتدى
عالم جديد بالنسبة لي وخصوصا لوحده منغلقة على نفسها ماتطلع ولا تختلط ،، صار كل وقتي هناك
عجبتني القوانين والضوابط اللي بيه فگلت اكيد راح احمي نفسي بهالمكان ،، والحمد لله طلع عالم المنتديات نفس مااتصورته بالنسبة لي واستفاديت كلش هواي منه ببناء شخصيتي ..