- إنضم
- 5 أغسطس 2019
- المشاركات
- 99,839
- مستوى التفاعل
- 15,975
- النقاط
- 187
- الاوسمة
- 1
عراقي وافتخر بأجمل هوية
اطلعت وهمان ثاري ومستحل ناس
يمـــها اليستحـــي يصبـــح ضحية
الليالي السود لحظة مانسني
لچـــن اتــراب كاعي مانسني
صدك مانــي شيعي مانسني
عراقي وافتخـــر بأجمــل هوية
صفة كلبي بغيابك كلمتاهات
وي لاهات يحجي وكلمتاهات
عليـك بداعت الله كلمة اهات
اذا ضايـــك طعمـــها اترد الية
عراقي اووكتي من صغري علي جار
وزمانــي امسودن وسيفة علي جار
شسولـف اني عل عيشـة عل ايجار
ملكـــي ابهـــل وطـــن بــس الهوية
يقيـــناً ك اعلـم تنسفينا
فييـــاً كـــان قلبـــي تنسفينا
رحلتي ولــم تنسي تنسفينا
جــروح ايتـــام بعدج مو خطية
ون ابكلبـــي داس اليوم ون غث
وان مسني كلامك شنهي ون غث
روح بعيد
فرحي ايزيد
انــت تريــد
عبـدك اصير
لالتحيــر
بعـد ماهملك ومانــوح ونغث
وجـــودك والعـــدم صارن سوية
عجيبة ابحجــي وياهم يمنون
هذولة الامس احاجيهـم يمنون
دوم الميم تلكــاها يمنون
ودوم الغيرة تتفصــل علية
صـرت يـوسف ابعينك وانتقــدني
انتـقـد يابـس واخضر وانتقـــدني
دصيــر انســـان اول وانتقدني
يــل كـلك غلـط وتلوم بية
حسرة ابكلب واحــد ماتخلي
خلــي وجنـت لكــن ماتخلي
مـا ترحـــم حضـــرت ماتخلي
رحمـــة الله تنـــزل وك عليـة
محبتـي اللـوان بيـها وبيـها اشكال
كلتلة انطيني بوسة وبيها اش كال
تخوف البوسة عمري وبيها اشكال
واخــاف البوســة تتـــرك اثر بيـة
اديك الطعـــن متعلمـة شفت من
وتكلي اتفتني بهموك شفت من
افت بروحــي وبعينــي شفت من
شفت طعنتـك موتت كلشي بية
رقيق بمشية من يمشي وراكون
وصـدك مشـتاك لعيونة وراكون
عشـر ضبــاط اخليلة وراكون
وقــائد فرقـــة ياخـــذلة تحيــة
عفتني بلا سبـب سهلة ولوعود
عفتني جا عفت ذكرى ولوعود
عفتني وعفـت كلماتك ولوعود
عفتـني وجيــت اذكـرك انة بية
كلبــي طشـر افراحة وهملم
وحقيقة مالكة بوكتة وهملم
جـاب العـمر يوفيهم وهملم
يوافــو وترســو كلبــي اذية
قلبي من هواهم كان فيهم
وماكانت سعادة كـان فيهم
نسو مـن ضلـهم كـان فيهم
وها قد عاد قلبـي ايلوم بية
