عشت الفرح بس يومين وياك

[الرااااكد]

عشت الفرح بس يومين وياك
وباقي ايام عمري صفن احزان
ما صدك ابد تتغير ابساع
ولا صدك تروح وماكوا عنوان
ولا صدك تهدم ما بنيناه
وعلى انقاضه تظل تنعب الغربان
مو انه شتلتك بيدي بالروح
وتمنيتك تبرعم غصن ريان
وداريتك سكيتك دمع العيون
ولا حبيت اشوفك يوم ذبلان
جا شنهو الذي غيره الاحوال
وكلب ذاك هوانا وصرت زعلان
ولك منهو الذي موته الاشواق
ودفنه بليله ظلمه ونام فرحان
بس انه اعذرك ولك ما لوم
لان انت مهر يحتاج له عنان
وخليتك تصول اعليه وتجول
ولا كتلك ولك مو كافي يفلان
لان كلبي سمح ما يرضى ياذيك
وشوفنك زغير ودوم حيران
صدك ما يهمني الجرى والصار
ما دام انه اشوفك فرح جذلان
لان طبعي انه ما اكره الناس
ورد اللي يسيئ عليه بأحسان
افرح وانتعش يا زهرة الروح
لان حبي الك اثبته البرهان
لان انه اريد الفرح وياك
وخلي الحزن يمي يجري نهران
اتمنى اشوفك دوم بالفوك
واتمنى اشوفك عالي الشان
لاتحزن ابد يا مهجة الروح
صدكني احبك بيد ما جان
م ن

 

[العذبة~]

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

 

[الرااااكد]

انرتي العذبه
ششاكر لك مروررك
دمتم بخيرر

 

[رمااد اانسان]

اختيار موفق يستحق الشكر والثناء
سلمت يداك على النقل والمجهود
أرق تحية طيبة

 

[الرااااكد]

ششاكر لك مروررك
دمتم بخيرر
اخي رماد إنسان

 

[آهات حالمه]

بارك الله فيك،
دائمًا تتحفنا بمواضيعك المنتقاة والمميزة.
شكرا لك

 

[الرااااكد]

أهات حالمه
انرتي المكان
شاكر لك توااصلك
الدائم لاخلا ولاعدم