عشكته
لن جزء مني
جان العين اهو
ومنه كل شوفي
بي طعم الجنوب
وركصة احديثات
طير ولاحته جفوفي
وطيور العمارة
معلكات بغيم
واهلهن طيب وحجايات
جنهن ماي دجلة
وحاضن جروفي
لكن هذا طار بعيد
ونسه عادات اهله
وكال هم منين
والنكر حتى المراضع
ينكر حروفي
غاوي الفخفخه
وغاوي يذل الناس
وصل حد القبح
ما كال مو كافي
هذوله احنه
الزرعن الطيب
تالي الوكت
خلاني اليتيم
بصفكة اجفوفي
ذبحني
شيكدر المذبوح
غير يرفرف اجناحه
ويطلب من حياته
يشوف تالي الشوك
المن يصفه برده
وياخذ الحافي
وانا الحافي
يرجلي ما مشت درب
الغواني بليل
ياما السيل اجاهه
وعزت ضفافي
يكول انه الاحبه
مو شرط يومين
لو ساعات بس
اتريع اشفافي
ومن شفت المذله
البيه ما توفي
اكطعت حتى الحبل
ما ردت مشحوفي.
(ادعوني استجب)
//حصري//
