عفوا لقد نفذ رصيدكم

[الرااااكد]

السلام عليكم ورحمة الله وبركاته
عفوآ لقد نفذ رصيدكم !!
٠٠
زمان كنت بستغرب
من نهايات بعض العلاقات الجميله بسهوله
ازاي في أزواج ينفصلوا
بعد 15 سنة أو اكتر
وأقول ليه أنفصلوا بعد المده الطويلة
دى ليه تهون العِشره بعد المده ده كلها
ومثلا أصدقاء العمر
اللي بيقاطعوا بعض
ومفيش حد بيقدر يقنعهم يرجعوا علاقتهم مع بعض تاني أبدا زي الأول
لحد ما وصلت لحقيقة مهمه جدآ
أنه في كل العلاقات في حاجه
أسمها رصيد !!
٠٠
علاقاتنا بالناس مرهونة برصيد بيتحدد
حسب المعزة للشخص عندنا
وكل ما التعامل كان بحب واهتمام
كل لما الرصيد بيزيد وبيكبر
وكل ما التعامل كان فيه تهاون
وإهمال الرصيد بيقل كتير.
و أحيانآ مع إحساس البعض
انه عشان بنحبهم وبنرتاح لهم
ممكن بيتمادوا بتصرفات وأسلوب
لايُحتمل كعدم أهتمام أو عدم تقدير
ومش بيعرفوا إنهم بيسحبوا من رصيد العشم والمحبة ال ليهم عندنا...
وبيعتقدوا انه رصيد التسامح ال عندنا
ممتد بلا نهاية
وطبعا العلاقة بتستمر
لحد ما صاحب الصبر أيوب ده صبره يخلص !!
ولما الرصيد يوصل صفر
من تراكمات كتير كتير
بنكون فقدنا قدرتنا على التحمل
بعدها قرار قطع العلاقة
بيكون قرار سهل
وقادرين على اتخاذه
بكل ثقة وتأكد وبدون تراجع .

حافظوا على علاقاتكم الجميله
وعلى الناس اللي بتسامح كتير
وعلى قلوب حلوه تتمنى لكم الخير
المدة الزمنية أو طول العلاقة
مش سبب كافي
لاستمراريتها !!
أنتبهوا القلوب الطيبه لو أتجرحت
بتتوجع اوي ولما بتقرر الرحيل
بتقدر تبعد اوي أوي

٠٠
السعاده الدائمه لقلوبكم الجميله
م ن

٠٠

 

[آهات حالمه]

موضوع رائع واختيار موفق للطرح.
دائمًا ما تتحفنا بتقديم كل ما هو مفيد وممتع.
شكرًا لك على هذا العطاء المستمر،
في انتظار جديدك القادم بشوق.

 

[الرااااكد]

يسلمووعلى المرور
اهات حالمه
سلمت
الايادي لاخلا ولاعدم

 

[رمااد اانسان]

اختيار موفق يستحق الشكر والثناء
يسلمووو على النقل والمجهود
أرق تحية طيبة