على امي بجت كل الحمامات

[الطائر الحر]

قصيدة : على امي بجت كل الحمامات
للشاعر: خضير هادي ( الله يرحمه)



ياشمس دفيلي ياامي
دفي امي من البرد
ورد شيلي ياطيور
وطشي الورد فوك امي
يامجد يعلى عليه ..؟؟
الجنة تحت اقدامه ..!!
هنياله الباس ايديه وكعد جدامه
امي بس امي صدك تحزن علية
امي من تعطش اصير بجفه ماي
على امي بجت كل الحمامات
واجته الشمس باست حتى ايديه
هاي ام الحبيب المغفت عينه يوم
هاي العين تنزف دم عليه
اذا تمرضت بيوم بليل
سابع جار يكعد من بجيه
واذا مرني الم والالم يوجع
تتمنى الالم يندار بيه
واتمنى اني جبير وهي طفله
وظل طول العمر بس الوليه
امي من حرب زفتنه شبان
وتفرح لو خبر منا يجيه
علمودك تحق وفلوسك ماكو
اذكر امي باعت تراجيه
زفتنه بهلاهل وللسواتر
جف ابدمه جفوف ايديه
تخليه ملك الموت
لحظاات خل نشوفه ونسمع حجيه
يمه اهدومج ظليت لابسهن
يما اهدومج لمن انطيه
عطرج بعده يفتر بغرفتج
وغرفتج خاليه كومي طبيه
ابدا لا تحجي يم امي بصوتيت عالي
امي نايمه خاف تصحيه
ع امي بجت كل الحمامات


ولسماع القصيدة بصوت الشاعر :


https://www.youtube.com/watch?v=yEQQS_XYWs8

 

[سعد العراقي راقي]

رد: على امي بجت كل الحمامات

جزاك الله خيرا
شكرا لك

 

[الطائر الحر]

رد: على امي بجت كل الحمامات

جزاك الله خيرا
شكرا لك

شكرا جزيلا لردك الكريم
تحياتي وتقديري
دمت في امان الله وحفظه

 

[آهات حالمه]

رد: على امي بجت كل الحمامات

سلمت يمناك على الانتقاء
لاحرمنا الله من عبير تواجدك
دمت بسعاده بحجم السمآء
لقلبك طوق من الياسمين

 

[قيصر الحب]

رد: على امي بجت كل الحمامات

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي