على سطح الكمر سويتلك بيت
اخذ بس ذكرياتك خاطر انشيل
قبائل بالكمر ماتعرف أتلوم
لاعاذل بعد لاقال لاقيل
كلها تريد تسهر كلها عشاك
هناك الليل عدهم كلش أطويل
ويمك من احس بروحي نعسان
انام بفي كذلتك شلي بالليل
ماتحتاج مشطك رمشي موجود
ومن شعرك احوك لوجهي منديل
انه وياك عركه شفافنه سلاح
واكثر شوك بينا الاول ايعيل
وي اهل الارض مانكدر نعيش
خل ناخذ عشكنه ونرحل بعيد
هناك الناس ماعدهم خلافات
سوى يفطرون كلهم من يجي العيد
بريئه اوجوهم وجناتهم جام
لان بوساتهم تمحي التجاعيد
وعقرب ساعتك مايلدغ الروح
ولا يغتال لحضات المواعيد
بستان الفضاء وناخذ اسلال
نترسهن نيازك مو عناكيد
هناك الكل بلابل محد اغراب
ومايجرح حجيهم كله تغرييد
ماعدهم ضحك عالشفه مصلوب
ولا عدهم حلم بالعين معدوم
بيض كلوبهم وهدومهم بيض
لان من الضوه ايفصلون الاهدوم
امشي اوياي اشيد مملكه اهناك
ماتحتل سماها اجيوش الغيوم
وملك تتنصب انته وشعرك التاج
شذر تاج الملك دمعات مضلوم
اهنا بالنوم نص اعمارنه ايضيع
اهناك الليل مامخلوق للنوم
وحتى كبورهم مو مثل الاكبور
ايطيرا بالسمه ويصيرن انجوم
شباب اهناك كلهم مايكبرون
الف كاروك ينهز يالله تابوت
مو مثل الارض متروسه شياب
ويسير علينا الشيب بسكوت
وبدل مايمك يفوت شمات
عطارد لو زحل من يمك ايفوت
أمن لاتخوفك وحشة الليل
بصيطه الوحشه بس انسولف اتموت
واذا مرنا النعاس انوشل الكاس
وانطفي الكمر وانطب للبيوت
خطيه اهل الارض مثل المجانين
مافهموها كالو بلعته الحوت
اخذ بس ذكرياتك خاطر انشيل
قبائل بالكمر ماتعرف أتلوم
لاعاذل بعد لاقال لاقيل
كلها تريد تسهر كلها عشاك
هناك الليل عدهم كلش أطويل
ويمك من احس بروحي نعسان
انام بفي كذلتك شلي بالليل
ماتحتاج مشطك رمشي موجود
ومن شعرك احوك لوجهي منديل
انه وياك عركه شفافنه سلاح
واكثر شوك بينا الاول ايعيل
وي اهل الارض مانكدر نعيش
خل ناخذ عشكنه ونرحل بعيد
هناك الناس ماعدهم خلافات
سوى يفطرون كلهم من يجي العيد
بريئه اوجوهم وجناتهم جام
لان بوساتهم تمحي التجاعيد
وعقرب ساعتك مايلدغ الروح
ولا يغتال لحضات المواعيد
بستان الفضاء وناخذ اسلال
نترسهن نيازك مو عناكيد
هناك الكل بلابل محد اغراب
ومايجرح حجيهم كله تغرييد
ماعدهم ضحك عالشفه مصلوب
ولا عدهم حلم بالعين معدوم
بيض كلوبهم وهدومهم بيض
لان من الضوه ايفصلون الاهدوم
امشي اوياي اشيد مملكه اهناك
ماتحتل سماها اجيوش الغيوم
وملك تتنصب انته وشعرك التاج
شذر تاج الملك دمعات مضلوم
اهنا بالنوم نص اعمارنه ايضيع
اهناك الليل مامخلوق للنوم
وحتى كبورهم مو مثل الاكبور
ايطيرا بالسمه ويصيرن انجوم
شباب اهناك كلهم مايكبرون
الف كاروك ينهز يالله تابوت
مو مثل الارض متروسه شياب
ويسير علينا الشيب بسكوت
وبدل مايمك يفوت شمات
عطارد لو زحل من يمك ايفوت
أمن لاتخوفك وحشة الليل
بصيطه الوحشه بس انسولف اتموت
واذا مرنا النعاس انوشل الكاس
وانطفي الكمر وانطب للبيوت
خطيه اهل الارض مثل المجانين
مافهموها كالو بلعته الحوت
