عمي اسف..

[العـ عقيل ـراقي]

بعض ما سمعت من قصص
كتبتُ هذه الكلمات..

​

مرت السمرة عالبابي ، وخفت اسولف

مرت جنها سنابل ذهب ،

وصحت حيل بكليبي لاتوالف

انت كاغد وشفاف طبعك،

ونارها تحرك ،

ودومك تكول مايخالف

اصبر والله كريم ،

تركت ابدربك بس الروايح

وروحك تشوغ ليفوك من شذاها

اصبر يكلبي مالك بدل تالف

شدة ابخصرها اسنين عمري

ودومه تحط ايديها عالخصر

الله يامترف ايديها والشفايف

غصبن علي مرت وانه واكف

صفكت الراح عالفخذي

وكتله يكلبي انت حالف

ماتهزك شامة بنص الحنج نامت

ولاتحن للسنين المضت

وذيج السوالف

خلها تمر كلساع ،وتلف العباية

وتسمع رنت احجولها، صبح يركص

وتشوف لمعة الفنجان بالشفايف

وادريبك تذوب لو ضحك سنها

وتنذر اسنينك شمع لطارف الكذلة

وتصيح بصوت ملهوف

عمي حيل انه اسف

عمي حيل انه اسف

****
عمي عالكيفك من تمر عله بابي

يلي ضيعت وياك زهرة شبابي

احسب احساب الوكت،

واحسب احسابي

هم بيه شارة واشور بيك

وان خفت ناري اجويك بعطابي

شوغات وياك عمري انكضه

وانت ويه العدو صرت سلابي

حيرتني رصعة اخدودك

وهمت بيك ولف الدهر دولابي

يوم الكاك وي الزوار ،

ونوب الكاك وهابي

حيرني دلالك وشرد اوصف

كمرية وغفت بسواجي الفرات

لو شهكة شمس اتضوي عله احبابي

عمي منين اقراك

وانت اول سطر لاخر سطر بكتابي

وينشدوني عنك الما يعرفون الشوك

وتحير اعيوني ويصير الدمع اجوابي

عمي رد انه الغلطان ،

حبيتك بكل حيلي

ووياك ما حسبت احسابي

يسمر ياشكاكة طلع ياجمار

ياأول ايام الترافة والعشك

رد يا اغلى من كل احبابي

عمي حيل انه اسف

يلخجلت روحي من نفسها

ومن الخجل نكعت اثيابي

عمي حيل انه اسف

عمي حيل انه اسف


عقيل العراقي
من دفتري القديم..​

 

[المشتاق]

رد: عمي اسف..

بسم الله الرحمن الرحيم

الشآعرالقدير
أخي الكريم عقيل العرآقي
{مسآفر بلآجوآز}
سلمت يدآك لهذه اللوحة الجميلة والرآئعة
والسيل المُتدفق مِن سلسبيل نبعك الصآفي
{{{ عمي آآآسف }}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق
مع بآقة ورد
[URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][URL="http://decoration.files.wordpress.com/2008/04/f-jj08b_e_d28a5fb0168e4316ef0bae1aa3444c23.jpg?w=343&h=512"][/URL][/URL][/URL][/URL][/URL]



​

 

[آهاات حالمة]

رد: عمي اسف..

دام عطاك
وتميزك ورقي حرفك
طاب نبضك وبك تطيب واحة البوح
لقلمك المعهود تحياتي وتقديري
​

 

[العـ عقيل ـراقي]

رد: عمي اسف..

لله دركم احبتي
قد اخجلتموني
بطيبة قلبكم
لقلبكم السعد
والخير في ايامكم..
عقيل العراقي

 

[رمااد اانسان]

رد: عمي اسف..

حلوووووو يسلموووووووووو

 

[العـ عقيل ـراقي]

رد: عمي اسف..

الاحله انت
تحياتي

 

[جنون العاطفه]

رد: عمي اسف..


عااش ذوقك الحلوو عقيل

 

[العـ عقيل ـراقي]

رد: عمي اسف..

شكرا لحضورك
وتحياتي مع الود