عبد الوهاب الحمداني
( غصن فضّة )
سولفني اعله كل موسم گلايد عايزة احچاية
و علّگني اعلى جيد الليل نجمة أتبوگ الولاية
دلّيني ، النشد معذور من اشتم ابگلبك سر
و اشربني ، الوكت : فنجان ما يسگيك غير المر
سواليفك ضحك عميان من يلگولهم نجمة
و يشرون العرف بالروح بلكي ايبيعهم چلمة
يبو العفّة ، الدمع مريود من يضحك ابگلبك دم
و لو خضّر رمح لليل صعبة إعله النجم يلتم
و لا تهتم ...
طواري الماي من اتموت لابد ما جرف يسلم
لابد ما يعرّس طيف و ظنون الحبيبة اترافگ المبسم
يبو إحچايات سمرة اشما جزاها الريل تتولّم
يا شفّة درب تعبان ، ينشدني إعله خصر الماي
وإيگلّي : اللبس شمسين ما يرتوي ابحفنة افياي
و انت اوياي ...
مبْحر والشراع اجنون والضفّة ابكبر عينك
يمغرور ابعفى العشرين لابد ما يمر خطّار يشرب گهوة اسنينك
رفيج الدم ، شجاك او طاوعيت الماي ؟! وانت ابكل گلب مزروعة الك چيلة
مهو الينزع هدم عگله يشوف الطايحة اكحيلة !!!
او يلگه الوادم ابلا لون من يشرب كحل ليله
او شسويله ؟!
غنا المصيوب لو باگوا حلال اهله يمد روحه اعله گد حيله
يبو اخديدات ما منهن ، يهنياله البغيمة شوفهن يحضه
دخليني اعله بيبانك غصن فضّة
و ظلع بلور من يشتد ابروحك غيض حدر اسوالفك رِضّه
طبع روحي عزيزة ابحفنة إحچايات ما ترضه
( غصن فضّة )
سولفني اعله كل موسم گلايد عايزة احچاية
و علّگني اعلى جيد الليل نجمة أتبوگ الولاية
دلّيني ، النشد معذور من اشتم ابگلبك سر
و اشربني ، الوكت : فنجان ما يسگيك غير المر
سواليفك ضحك عميان من يلگولهم نجمة
و يشرون العرف بالروح بلكي ايبيعهم چلمة
يبو العفّة ، الدمع مريود من يضحك ابگلبك دم
و لو خضّر رمح لليل صعبة إعله النجم يلتم
و لا تهتم ...
طواري الماي من اتموت لابد ما جرف يسلم
لابد ما يعرّس طيف و ظنون الحبيبة اترافگ المبسم
يبو إحچايات سمرة اشما جزاها الريل تتولّم
يا شفّة درب تعبان ، ينشدني إعله خصر الماي
وإيگلّي : اللبس شمسين ما يرتوي ابحفنة افياي
و انت اوياي ...
مبْحر والشراع اجنون والضفّة ابكبر عينك
يمغرور ابعفى العشرين لابد ما يمر خطّار يشرب گهوة اسنينك
رفيج الدم ، شجاك او طاوعيت الماي ؟! وانت ابكل گلب مزروعة الك چيلة
مهو الينزع هدم عگله يشوف الطايحة اكحيلة !!!
او يلگه الوادم ابلا لون من يشرب كحل ليله
او شسويله ؟!
غنا المصيوب لو باگوا حلال اهله يمد روحه اعله گد حيله
يبو اخديدات ما منهن ، يهنياله البغيمة شوفهن يحضه
دخليني اعله بيبانك غصن فضّة
و ظلع بلور من يشتد ابروحك غيض حدر اسوالفك رِضّه
طبع روحي عزيزة ابحفنة إحچايات ما ترضه
