غلط صار

[وردة الغاردينيا]

غلط صار وظلم فرقنه ليش شلون
طحنه وللأسف وركه بأثر وركه

انه اتنازلتلــك وبجروحي ارضيت
لان شفتك صدك مرتاح بالفركه

اريد الخير الك وتحب بعد وتعيش
ومرسومه تظل بشفافك الضحكه

خل يبقه الحزن طلقه ويه كلبي تنام
وخل يبقه الزمن شايل علي تفكــــه

باجر تعشك ويهواك غير انسان
واذا كلك يحبك مثلي لـــتصدكه

نعم تلكه اليحبك وانه اضن الكيت
بس كد ماهويتك واللــــــــه ماتلكه

اكثر من ابوك وامك انه اهواك
واضن باين عليه بساعة الملـــكه

خلص هسه انتهينه وعمري صار كتاب
خليه اعله رفك والمهم طبكه

ظل اسمك نبض فاضحني صبح وليل
يدك بكلبي سيف وتجرح الدكه

 

[»❥ Q̃̾υ̃̾ééи̃̾]

رد: غلط صار

كلام راقي عاشت الايادي

 

[ابومايا]

رد: غلط صار

وردة الكاردينيا كلامك جميل ومؤثر

وخاصة من يتمعن في كلمات المعاني

تسلم ايدك

 

["هيبه ملكـ "]

رد: غلط صار


ها انا اقف مجددا امام عضمة كلماتك

ورقي احساسك وعذوبة عطورك

جميل ما باح به قلمك المميز

رائع دوما ما تبهرنا بها محبرتك الذهبية

دمتي مبدعة غاليتي

تقبلي مروري وردي البسيط