فارس هزمته المهره
من ديــــــــــــــــــــــــــــــواني الشعري
....................................
صعد ضغطي
ونزل ضغطي
وسكران بغرامك كل خمر شــارب
واختي محزمه وتنعه
بروحهه الغاليه تغطي
طاير بالسمه ساعه
وساعه مغرب بقارب
ابحر بالعيون وارجف وارجع
اسمع صوت ناداني ولك ارجع
موش عيون عدهه عيون
هذا سيفهه الضارب
وارد مكــــسور
فارس هزمته المهره وأهو الهارب
وصعد ضغطي
واختي موزره وتبجي
شمالك ياحبيب الروح
شسوتلك بكايا الروح
ذبيح وترفس ومجروح
عوف النوم يالطالب
كوم انهض يبعد اجلاي
ضحكتك صدك هي دواي
هي الزاد...هي الماي
وانت شاعر وغالب
بكايا الروح؟؟؟
هم ضغطج صعد بالليل؟
مامرج حلم شاعر يهد الحيل
عوفي النوم
تعالي وشاركيني النوح
غاليج بكَايا جروح
خل يكوملج سالم
يكتبلج قصايد شوك
نجوم معلكه ليفوك
موتلميذ ...لاطالب
معلم بالشعر من يحجي تبجي الناس
وعذاله تشك الزيج
ويكضهه الف وسواس
معلم بالشعر واستاد للعشاك
يخوض بكل بحر ومتزاعل ويألراك
هوَ استاد موطالب
يعجنهه شعر وعلوم
ويخللي البهار هموم
ابن امي سبع تدرين
يتعارك زعل ويفارك همومه
ولمن فزيت من نومي
لكيت ابن امي مامرتاح
يتكَلب يشوف اشباح
يهذي ويهتز الشــــارب
ندهته والدموع تسيل
اكعدلي يبعد الروح
طيف المر يهد الحيل
اندهنه وادك الويل
كعد يبجي ودموعه تسيل
كتله شبيك يبن امي
يكلي الزمن حملني ويكلي شيل
شلت الموزمات وكل زمان الفات
وحملني الجزه والفات
شفت احياء
شفت اموات
وزودني بعد اهات
طلعلي زوايا زغار
وورطني ببلاوي كبار
شفت روحي غزل تكتب
ووحده أتأشر وتحسب
وبكايا الروح تبجيلي واشو تعتب
ونجوم سهيل
تغني الليل
شفت جروح ملجومه
وعزيزة روح مهضومه
وشفت وحده جزاهه السوم مندومه
اثاريني بحلم يختي
والله لوصدك صحتي
جان الموت ماخذني وانه اللاعب
اثاريهه الاحلام العاب
بس حلمي فلا جذاب
كل الشفته ياذيني
المهم انتي دكولي شلون
تكلي شلون مالي لون
كضه ليلي برجف ابجي
وتطك سنون فوك سنون
المهم انت اطلعت سالم
والعباس عندي هاي
غزوة سالم وغانم
