مر عالدار لاكن موحشه الدار******وحشه الدار عكب اعيون الاحباب
امر والشوك هزني ودمعي همال******اشم حيطانها واتلمس الباب
هلج لاوين عنج شالو بعيد******وبقيتي انتي غريبه بين الاغراب
اشوفج وحيده وعرشج غده ارمال******وعيونج ذابله والكلب عطاب
يدار اتوسلج دليني ...بالراح******شمع كلبي عليهم بالهجر ذاب
يدار اتذكرت وكفاتي وياج******من جنه نتعاتب عتب وعتاب
مجبور انتفارك واني مهموم******اشعجب حبك يصاحب طلع جذاب
هجرت ومابقت بس ريحتك ليش******تمر ويه النسيم اليسري والهاب
رحت عني بلايه جلمة اوداع******ولاجرحي ابوداعك شفته من طاب
جنت ليه كمر وبليلي اناغيك******اشعجب من ليلي بدرك هودوغاب
وارجعلج يدار وابجي وياج******وون والطم واشكن زيج الاثياب
واصيح بصوت لاجن من تسمعين******تحسين الكلب بيه مية اصواب
واذا اهلج بعدلج مايرجعون******انهدمي يدار وصيري اتراب
