رد: فضفضة من القلب للقلب
غريب بديرة ما بيها وجه دافي..
ما بيها بشر صافي..
بيها الضحكة مسلولة
ودمع من عيني متعافي..
لا يشماغ ابوي
يلفّني اذا بردان
ولا امي
التغطّيني (بعبايتها)
اذا ميت واذا غافي!
يحسدون الضوه البروح
چي يمطر شِعر للناس
ما يدرون!؟
من جوة الگمر طافي..
ما يدرون دنيا من الموادع
گالت شفافي..
ما يدرون!؟
من ثگل الجنايز
هدّلن جتافي..
رايد ناس اسمعها
تعبت الناس تسمّعّني..
تعبت الدنيا تجّرحني..
خطية آني..
اهمّ بدموع كل الناس
بس دموعي متهمّني..
فهّمت البشر ليش يموت؟!
بس الموت كلش صعبة يفّهمني..
على الحيطان
راح ارسم وجه وعيون..
واخلق واحد يحبّني..
غريب بديرة ما بيها وجه دافي..
ما بيها بشر صافي..
بيها الضحكة مسلولة
ودمع من عيني متعافي..
لا يشماغ ابوي
يلفّني اذا بردان
ولا امي
التغطّيني (بعبايتها)
اذا ميت واذا غافي!
يحسدون الضوه البروح
چي يمطر شِعر للناس
ما يدرون!؟
من جوة الگمر طافي..
ما يدرون دنيا من الموادع
گالت شفافي..
ما يدرون!؟
من ثگل الجنايز
هدّلن جتافي..
رايد ناس اسمعها
تعبت الناس تسمّعّني..
تعبت الدنيا تجّرحني..
خطية آني..
اهمّ بدموع كل الناس
بس دموعي متهمّني..
فهّمت البشر ليش يموت؟!
بس الموت كلش صعبة يفّهمني..
على الحيطان
راح ارسم وجه وعيون..
واخلق واحد يحبّني..
