رد: فضفضة من القلب للقلب
فد يوم جان اكو رجل دين مو من ذولي الجدد من الناس أصحاب الدين القدماء
وجان يروح من القريه للمدينة على حصان وهناك يقرأ الهم مجلس حسيني فيلمولة شوي جاي وشكر وتمن وتتن
والعصر يرجع لاهلة وهاي يومية يروح ويرجع بالقرية الساكن بيها الشيخ اكو واحد شلولو يعني مخربط عطال بطال يومية يباوع على الشيخ يجي محمل مسواك وهوة حسرة علية جكارة اللف ذاك اليوم قرر يسلب الشيخ
الشيخ كل عادة طلع الصبح والعصر رجع محمل بالطريق لكة هذا الشلولو ومدد بالكاع وكف الشيخ صفن علية كلة بابا شبيك كلة شيخنا ولد الحرام سلبوني واخذو احصاني
كلة ميخالف بابا الله يعوضك انطيني ايدك اصعد وراي اوصلك الاهلك المهم الشيخ مد ايدة وجان صاحبنا يجرة ويكومة بالكاع وكع الشيخ وهذا أخذ الحصان محمل وفلت صاح ورة الشيخ بابا يمعود أبو الغيرة وصاحبنا ولا يسمع المهم الشيخ سلم للأمر الواقع وأخذ الطريق بتجاة القرية أثناء ما الشيخ يمشي جان يشوف صاحبنا راجع علية فرح الشيخ عبالة هذا غير راية فوصل للشيخ كلة مولانا عندي مسألة كلة أي ابني كول كلة الله شكد حلمة كلة يكولون سبعين عام كلة شيخنا خلي الله ورة سبعين عام يلحك علية ويأخذ حصانك ودار وجهه وطفر
المهم الشيخ بقة يمشي وصل مسافة وجان يلكي صاحبنا مكوم بالكاع ومكسر وصل يمة كلة ها ابني سلامات كلة يا سلامات اني عندي طلابة وياك وياي على شنو فوك ما بايك حصاني كلة شلون تقشمرني وتكلي الله حلمة سبعين عام وإني ماطول وياي خمس دقايق
كلة بابا ذني قديمات وطلعن عليك
هسة رباط السالفة جماعتنا أشو ماطلع بيهم لا القديم ولا الجديد من قانون الخدمة الجهادية لقانون رفحاء اكلونا
من هل فج لهل فج
فد يوم جان اكو رجل دين مو من ذولي الجدد من الناس أصحاب الدين القدماء
وجان يروح من القريه للمدينة على حصان وهناك يقرأ الهم مجلس حسيني فيلمولة شوي جاي وشكر وتمن وتتن
والعصر يرجع لاهلة وهاي يومية يروح ويرجع بالقرية الساكن بيها الشيخ اكو واحد شلولو يعني مخربط عطال بطال يومية يباوع على الشيخ يجي محمل مسواك وهوة حسرة علية جكارة اللف ذاك اليوم قرر يسلب الشيخ
الشيخ كل عادة طلع الصبح والعصر رجع محمل بالطريق لكة هذا الشلولو ومدد بالكاع وكف الشيخ صفن علية كلة بابا شبيك كلة شيخنا ولد الحرام سلبوني واخذو احصاني
كلة ميخالف بابا الله يعوضك انطيني ايدك اصعد وراي اوصلك الاهلك المهم الشيخ مد ايدة وجان صاحبنا يجرة ويكومة بالكاع وكع الشيخ وهذا أخذ الحصان محمل وفلت صاح ورة الشيخ بابا يمعود أبو الغيرة وصاحبنا ولا يسمع المهم الشيخ سلم للأمر الواقع وأخذ الطريق بتجاة القرية أثناء ما الشيخ يمشي جان يشوف صاحبنا راجع علية فرح الشيخ عبالة هذا غير راية فوصل للشيخ كلة مولانا عندي مسألة كلة أي ابني كول كلة الله شكد حلمة كلة يكولون سبعين عام كلة شيخنا خلي الله ورة سبعين عام يلحك علية ويأخذ حصانك ودار وجهه وطفر
المهم الشيخ بقة يمشي وصل مسافة وجان يلكي صاحبنا مكوم بالكاع ومكسر وصل يمة كلة ها ابني سلامات كلة يا سلامات اني عندي طلابة وياك وياي على شنو فوك ما بايك حصاني كلة شلون تقشمرني وتكلي الله حلمة سبعين عام وإني ماطول وياي خمس دقايق
كلة بابا ذني قديمات وطلعن عليك
هسة رباط السالفة جماعتنا أشو ماطلع بيهم لا القديم ولا الجديد من قانون الخدمة الجهادية لقانون رفحاء اكلونا
من هل فج لهل فج
