السلام عليكم حضرات الفخمين والفخمات
كلكم بخير؟
ندخل للموضوع بدون مقدمات
قبل فترة كلمتني فتنة العصر تطلب مني اجيبلها حليب اسد, لان الطبيب وصفلها حليب الأسود كعلاج
وطبعا عندي شك بموضوع الطبيب, شلون طبيب وما يعرف الأسد ما عنده حليب!
والشغلة الثانية انا أخاف من القطة وما اقترب منها لا تعضني, شلون احلب اسد؟؟؟
المهم البارحة خطرت ببالي فكرة..
حتى ابقى بطل بعين فتنة العصر وما اخيب املها, وبنفس الوقت اجيب الحليب بدون ما تكون نهايتي وجبة غداء بكرش الأسد,,
قررت اجيب الحليب من:
لان متأكد فتنة ما تفرق بين حليب الصخول وحليب اللبوات,, ويمكن لو اجيبلها صبغ حايط ابيض هم تكول (الله وايد طيب حليب الأسود)..
بس كالعادة الصخول فهموا الموضوع غلط وما انطوني مجال اشرحلهم,
وما اشوف الا العائلة كلهم هجمت واشتغل النطح من كل حدب وصوب (للامانة نطحة وحدة, بس للاثارة وتأليب الرأي العام ضد الصخول اكول اكثر من نطحة)
هذا يمكن الابو,, كان ينطح بحقد
الحمد لله الخسائر كانت بس جروح بايدي,, هاي عينة من الإصابات
اول مرة اعرف ايدي شطولهاx_x
طبعا هذا مو اول موقف سوء تفاهم بيني وبين الصخول
قبل سنة او اكثر هم حصل خلاف بيناتنة وتعرضت لنطحة من صخل كان على الاساس صديقي,, بعد فترة تفاجأت صديقي ادريس ( مو الصخل اللي نطحني,, ادريس انسان حقيقي) يرفع علية قضية بمحكمة بالعراق, يدعي بيها انا اعتديت على الصخل وردت احول راسه باجة,
والصخل راح لصديقي يشتكي
بعدين تكلمت وية ادريس شنو الغرض من هاي الدعوى؟ كال والله يا محمد انا من اشوف صخلة اتخيلها امي بالرضاعة!! بعدين سألت ام ادريس شنو القصة؟ كالت من كان صغير شربته هواي حليب صخول!!
البارحة بعد هذا الاعتداء رحت اشتكي لصديقة عزيزة .. أرسلتلها الصور وشافت ايدي شلون حمرة وكلها جروح, بالبداية تعاطفت وياي
بعدين اختلفنا على الاسم
انا اكول صخلة وهي تكول ماعز,, وللعلم ادريس يكول اسمها عنزة
وبعد ثواني صارت ضدي وكالت (يدرون بيك مو راحة,, محد يتهجم بدون سبب)
وختمت الموضوع تتغزل بالصخلة.. كتبتلي (شو حلوة)!!!!
هسة اريد أي احد يوكف وياي ضد الصخلة
مو معقولة كل أصدقائي يعتبرون الصخلة اغلى واحسن مني
والاهم اريد احد يجيب حليب الأسود لفتنة العصر
XenTR Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
