قصيدة أبو التكتك 2019 .. للشاعر عباس جيجان
طلع كل الشعب ماتكدر تردة
لا انتة ولا غيرك ولاجدك ولا جدة
شعبنا اللي طلع في ساحة التحرير
رسم علم العراق بصدره وبخدة
سلمية شعارة وثورته اصلاح
وجثيرة الفاسدين ومالوو زنده
معروف العراق أعلى المنايا يفوت
اذا الظالم تجرأ وأخذ من جهده
ركضنالك عليهم ركضة طويريج
عراق حسين هذا اليوصله شحده
شباب وشابات الفزعوا بهاليوم
عراقيين متوحدين عدينا فرد هدة
وفزع نهر الفرات ودجلة الطيبين
وفزع شط العرب بالجزرة والمدة
وابو التكتك طلع شد اعلة صدره إسعاف
ينكل بالشباب الوكعوا بسده
غيرة عراقيين منذورين للكلفات
ومثل السيف ننجر ساعة الشدة
عليهم مانرد وحلفنة بالعباس
جدنا الحار رأسه المحد يصده
يبوكونا الرعاع الفرهدوا بغداد
حرامية وقوت اطفالنا للغير يتوده
صبرنا عليهم أكثر من صبر ايوب
وماعون الصبر كل يوم يتبده
وحق هامة علي المادنك بصفين
اله نخلي بيهم تصفن الشردة
سجل ياقلم ياحبر ياتاريخ
شبان العراق الرجعوا مجده
وشرطة وجيش وية الشعب متحدين
بدال الطلقة خلوا ع الزمر وردة
ابنك هذا هو السبب للتغيير
بهاي الساعة محد غيرك يسنده
لعيون الشهيد اعتصموا بالساحات
من يشوفكم يتنومس بلحده
ولادة العراقية وتجيب ابطال
تضل بسمك تلولي شما تهز مهده
عهد لام الشهيد البذل دمه بساحة التحرير
كبر ابنج ضريح نزوره ونكصده
ودم ابنج نشيد اطفالنا تنشده
طلع كل الشعب ماتكدر تردة
لا انتة ولا غيرك ولاجدك ولا جدة
شعبنا اللي طلع في ساحة التحرير
رسم علم العراق بصدره وبخدة
سلمية شعارة وثورته اصلاح
وجثيرة الفاسدين ومالوو زنده
معروف العراق أعلى المنايا يفوت
اذا الظالم تجرأ وأخذ من جهده
ركضنالك عليهم ركضة طويريج
عراق حسين هذا اليوصله شحده
شباب وشابات الفزعوا بهاليوم
عراقيين متوحدين عدينا فرد هدة
وفزع نهر الفرات ودجلة الطيبين
وفزع شط العرب بالجزرة والمدة
وابو التكتك طلع شد اعلة صدره إسعاف
ينكل بالشباب الوكعوا بسده
غيرة عراقيين منذورين للكلفات
ومثل السيف ننجر ساعة الشدة
عليهم مانرد وحلفنة بالعباس
جدنا الحار رأسه المحد يصده
يبوكونا الرعاع الفرهدوا بغداد
حرامية وقوت اطفالنا للغير يتوده
صبرنا عليهم أكثر من صبر ايوب
وماعون الصبر كل يوم يتبده
وحق هامة علي المادنك بصفين
اله نخلي بيهم تصفن الشردة
سجل ياقلم ياحبر ياتاريخ
شبان العراق الرجعوا مجده
وشرطة وجيش وية الشعب متحدين
بدال الطلقة خلوا ع الزمر وردة
ابنك هذا هو السبب للتغيير
بهاي الساعة محد غيرك يسنده
لعيون الشهيد اعتصموا بالساحات
من يشوفكم يتنومس بلحده
ولادة العراقية وتجيب ابطال
تضل بسمك تلولي شما تهز مهده
عهد لام الشهيد البذل دمه بساحة التحرير
كبر ابنج ضريح نزوره ونكصده
ودم ابنج نشيد اطفالنا تنشده
