انه وشاعريتي وخاطري المكسور
شهكنه اباب هجرك من خطف ظلك
وانطينه السوالف حس غريب الطور
وانبح صوتهن بس نستحي انكلك
فوك اشفافنه سوينه لسمك بيت
ومسحنه اعيونه من اجت تنزلك
ابجف انفاسنه عطرك وشيعة ليل
يل امخلبص اشلون اتريدنه انفلك
نكعد بيك نحجي انكوم هم بس بيك
الدرب طاحت اجدامه ايريد يوصلك
كضت كل عافيتنه البيها جنه اوياك
لان من عدها جنه اشكثر نعزلك
ضميناك بينه وماحسبنه احساب
الوكت لرواحنه يوصل ويندلك
تعال وجيب مايك والنوارس ذيج
نريد ابجرف وصلك ورد نشتلك
حنين ابيض الك شلناه وما شلنه اه
عفيه اصدورنه هاكثر تحملك
هاي ضروفنه صح شعر متروسات
: بس بضروفنه ارواح نرسلك
شعلنه اجفوفنه من عرجت بالطيف
ونذر لمن تجينه اعيون نشعلك
ابحر اكلوبنه سوينه الك في شوك
وكدرنه من الشمس جلباب نغزلك
عله اجفوف الخدود ادموعنه اتناد يك
هنت الله بعيون البقت تهملك
ماتشكل عليك ادموعنه من اتطيح
الدموع اتعودت من تهل تشكلك
(كلك) تنكتب ...تنقره من الكترين
و(كلانا) تنقره مكلوب يم كلك
ك ل ك = ك ل ك
(كلانا ) لو قُرأت بالمقلوب تصبح (أنا لك )
شهكنه اباب هجرك من خطف ظلك
وانطينه السوالف حس غريب الطور
وانبح صوتهن بس نستحي انكلك
فوك اشفافنه سوينه لسمك بيت
ومسحنه اعيونه من اجت تنزلك
ابجف انفاسنه عطرك وشيعة ليل
يل امخلبص اشلون اتريدنه انفلك
نكعد بيك نحجي انكوم هم بس بيك
الدرب طاحت اجدامه ايريد يوصلك
كضت كل عافيتنه البيها جنه اوياك
لان من عدها جنه اشكثر نعزلك
ضميناك بينه وماحسبنه احساب
الوكت لرواحنه يوصل ويندلك
تعال وجيب مايك والنوارس ذيج
نريد ابجرف وصلك ورد نشتلك
حنين ابيض الك شلناه وما شلنه اه
عفيه اصدورنه هاكثر تحملك
هاي ضروفنه صح شعر متروسات
: بس بضروفنه ارواح نرسلك
شعلنه اجفوفنه من عرجت بالطيف
ونذر لمن تجينه اعيون نشعلك
ابحر اكلوبنه سوينه الك في شوك
وكدرنه من الشمس جلباب نغزلك
عله اجفوف الخدود ادموعنه اتناد يك
هنت الله بعيون البقت تهملك
ماتشكل عليك ادموعنه من اتطيح
الدموع اتعودت من تهل تشكلك
(كلك) تنكتب ...تنقره من الكترين
و(كلانا) تنقره مكلوب يم كلك
ك ل ك = ك ل ك
(كلانا ) لو قُرأت بالمقلوب تصبح (أنا لك )
