قضية رأي ولكم الحكم .....!!!!
ارد اسألك قاضي الهوى البيضه لو سمره الدوى
البيضه
اني القطن فوك الجرح
واني الشكر واني الصبح
شالوني رايه للصلح
والكمر ماخذني ضوى
السمره
اني الخبز كلي انوكل
اومفتوله من خصري فتل
فلفل لون صار الشغل
والضاكني حلكه انجوه
البيضه
السمره من تطلب تلح
طينتها كيعان الفلح
امكنفش شعرها موسرح
وتريد من عندك غوى
السمره
البيضه متكوم الصبح
دوم الثلج يطلب ملح
من تلبس اسود تنفضح
وتضيك اعليك الهوى
===
يا محكمه ادخيلج بعد
هذا الدفاع بلا سند
يحفظهن الواحد احد
وكليبي الحبهن خوى
===
سدولي باب المحكمة
هاذي القضيه امرسمه
من حلكك الباب السما
اثنينهن طلعن سوى
