قالت امي الما تهزه الغيره لهله ايعيش كل عمره ابندامه
اوقالت الما يهم بهموم كومه ما اله حصه ابعمامه
اوقالت الما لمع سيفه واخذ حيفه ايموت بكرابه حسامه
او قالت الما مرض لزينه يبني ما ملك غيره او شهامه
او قالت الما اكل من تعب عرقه ماتهنه بكل طعامه
اوقالت الما ركب مهرة الغيره لاتظن عند الطوايف ينسمع حجية اوكلامه
اوقالت الما يرف شاربه العرضه ماقدر بين الزلم يرفع الهامه
او قالت اليهوه المذله ايطيح بين الناس حظه
او قالت الما يعالج مرض جهله او بلجهل قابل ويرضه
ايفوت ادروب الكرامه اولاتظن بلمجد يحظه
او قالت الما يحن من قلب لهله ويضحى الاجل ارضه
موش ابن هاى القاع هذا وهذا حتى القاع يبنى والله اترفضه
او قالت الميراعى جاره والنظر عن جارته ايغضه
ماعو زلمه الزلمه كل عربيه اخته او عرض كل العرب عرضه
او قالت الما لبس ثوب الكرامه اشما لبس مذموم هدمه
او قالت الما درس درس الشهامه مايفيد اشما كثر علمه
وقالت الما عله ابفهمه وتعله او بلشرف يوصل القمه
هذا ميت بلحد جهله وبس شكل وتشوف جسمه
وقالت الما زعل لشتيمت اهله وماطفح بالغيض دمه
ادمغه اجفوف المذله وينمحى من الرجل اسمه
وقالت الما يصر بسرار كلبه بر اخوته او اله ايكتمه
اتفضحه جلمات القبيحه او يكثر ابكل سلف ذمه
وقالت الما يكول عونك بلشدايد ونتفض وزاد عزمه
هذا مو رجال يبني او هذا بس الشكل زلمه
وقالت الغرته افلوسه اوتكبر والتكبر صار طبعه
يوقع ابير المذله ويبقه ابضروس الندامه يعض اصبعه
وقالت الما شلع عرج الجهاله بأيده وبعزمه يكطعه
اشما عله الجنح الجهاله على الارض حتماً يوكعه
وقالت الانسان لازم يبقه لجل الناس شمعه
يحترق ويضوي الهم يبني هيج الشهم طبعه
وقالت الما يحب اصله ولسانه يبقه لجفوف الاجانب ترا امصقعه
وقالت الرجل طبعه ايموت لاكن مايعـوف ابساع ربعه
مايعوف بساع ربعه!
______
اوقالت الما يهم بهموم كومه ما اله حصه ابعمامه
اوقالت الما لمع سيفه واخذ حيفه ايموت بكرابه حسامه
او قالت الما مرض لزينه يبني ما ملك غيره او شهامه
او قالت الما اكل من تعب عرقه ماتهنه بكل طعامه
اوقالت الما ركب مهرة الغيره لاتظن عند الطوايف ينسمع حجية اوكلامه
اوقالت الما يرف شاربه العرضه ماقدر بين الزلم يرفع الهامه
او قالت اليهوه المذله ايطيح بين الناس حظه
او قالت الما يعالج مرض جهله او بلجهل قابل ويرضه
ايفوت ادروب الكرامه اولاتظن بلمجد يحظه
او قالت الما يحن من قلب لهله ويضحى الاجل ارضه
موش ابن هاى القاع هذا وهذا حتى القاع يبنى والله اترفضه
او قالت الميراعى جاره والنظر عن جارته ايغضه
ماعو زلمه الزلمه كل عربيه اخته او عرض كل العرب عرضه
او قالت الما لبس ثوب الكرامه اشما لبس مذموم هدمه
او قالت الما درس درس الشهامه مايفيد اشما كثر علمه
وقالت الما عله ابفهمه وتعله او بلشرف يوصل القمه
هذا ميت بلحد جهله وبس شكل وتشوف جسمه
وقالت الما زعل لشتيمت اهله وماطفح بالغيض دمه
ادمغه اجفوف المذله وينمحى من الرجل اسمه
وقالت الما يصر بسرار كلبه بر اخوته او اله ايكتمه
اتفضحه جلمات القبيحه او يكثر ابكل سلف ذمه
وقالت الما يكول عونك بلشدايد ونتفض وزاد عزمه
هذا مو رجال يبني او هذا بس الشكل زلمه
وقالت الغرته افلوسه اوتكبر والتكبر صار طبعه
يوقع ابير المذله ويبقه ابضروس الندامه يعض اصبعه
وقالت الما شلع عرج الجهاله بأيده وبعزمه يكطعه
اشما عله الجنح الجهاله على الارض حتماً يوكعه
وقالت الانسان لازم يبقه لجل الناس شمعه
يحترق ويضوي الهم يبني هيج الشهم طبعه
وقالت الما يحب اصله ولسانه يبقه لجفوف الاجانب ترا امصقعه
وقالت الرجل طبعه ايموت لاكن مايعـوف ابساع ربعه
مايعوف بساع ربعه!
______
