قفشات (شـعريــه) عــــراقـــيه

[رومانسي بس منسي]

رد: قفشات (شـعريــه) بــصــراويه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه​

 

[رومانسي بس منسي]

رد: قفشات (شـعريــه) بــصــراويه

ترف بهواك من مثلي وله دوم
بثناياها الخلل بين ولهدوم
أمل الفرس لو كبرت ولهدوم
شبصرك برذعه النامت عليه​

 

[رومانسي بس منسي]

رد: قفشات (شـعريــه) بــصــراويه

جد بهواك لليهواك وعره
وعمن جه عشرتي وياك وعره
بعد ماني معك بشظاظ وعره
الكل منه انشحن وانكر خويه

 

[رومانسي بس منسي]

رد: قفشات (شـعريــه) بــصــراويه

الألف لف الذوايب من نسلها
البيه بادت ضلوعي من نسلها
التيه تاهت افكاري من نسلها
التيه ثاري الحواري من نسلها​

 

[رومانسي بس منسي]

رد: قفشات (شـعريــه) بــصــراويه

حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه

 

[رومانسي بس منسي]

رد: قفشات (شـعريــه) بــصــراويه

حبيبي شيوصلك وانـت ثريه
نشف دمعك وانه دموعي ثريه
رغم عسري تظل نفسي ثريه
بظلام الليل اوجن لـك ثريه
ولن كلبك بلا رحــمه ثريه​

 

[رومانسي بس منسي]

رد: قفشات (شـعريــه) بــصــراويه

الدهر ياصاح بالفرقه ولانه
ولانوبه انكسر كلـبه ولانه
لا انت عرفت الحـب ولانه​

 

[رومانسي بس منسي]

رد: قفشات (شـعريــه) بــصــراويه

نسينا الشوك واخلفـنا وعدنا
وعلى الهجران ردينا وعدن
هذا من الوكت والحب وعدنا

 

[رومانسي بس منسي]

رد: قفشات (شـعريــه) بــصــراويه

يفر بيه الوكت نوبه وفر بيه
ومن ثلج العمر دربي وفر بيه
اشرد وين انا بكلبي وفر بيه​

 

[رومانسي بس منسي]

رد: قفشات (شـعريــه) بــصــراويه

بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه​