قفشات (شـعريــه) عــــراقـــيه

[رومانسي بس منسي]

رد: قفشات (شـعريــه) بــصــراويه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه​

 

[رومانسي بس منسي]

رد: قفشات (شـعريــه) بــصــراويه

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه​

 

[رومانسي بس منسي]

رد: قفشات (شـعريــه) بــصــراويه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه​

 

[رومانسي بس منسي]

رد: قفشات (شـعريــه) بــصــراويه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه​

 

[رومانسي بس منسي]

رد: قفشات (شـعريــه) بــصــراويه

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه​

 

[رومانسي بس منسي]

رد: قفشات (شـعريــه) بــصــراويه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه​

 

[رومانسي بس منسي]

رد: قفشات (شـعريــه) بــصــراويه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه​

 

[رومانسي بس منسي]

رد: قفشات (شـعريــه) بــصــراويه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه​

 

[رومانسي بس منسي]

رد: قفشات (شـعريــه) بــصــراويه

ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه​

 

[رومانسي بس منسي]

رد: قفشات (شـعريــه) بــصــراويه

قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه​