قفشات (شـعريــه) عــــراقـــيه

[رومانسي بس منسي]

رد: قفشات (شـعريــه) بــصــراويه

حبك من شفـاف القلب عتباي
ولانوبه أذكرتنا واوصلت عتباي
أعتب مانفع وياك عتباي
على ياهي أزعـلت واقطعت بيه​

 

[رومانسي بس منسي]

رد: قفشات (شـعريــه) بــصــراويه

هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه

 

[رومانسي بس منسي]

رد: قفشات (شـعريــه) بــصــراويه

بــودادك آخ للدلال فخار
جدب كلمن عليه الجد فخار
اختلاج الناس من صلصال فخار
وحبيبي اختلق بالقـدره العليه​

 

[رومانسي بس منسي]

رد: قفشات (شـعريــه) بــصــراويه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه​

 

[رومانسي بس منسي]

رد: قفشات (شـعريــه) بــصــراويه

روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه​

 

[رومانسي بس منسي]

رد: قفشات (شـعريــه) بــصــراويه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

 

[رومانسي بس منسي]

رد: قفشات (شـعريــه) بــصــراويه

الواطي ارتفع صار افهم ورشداي
وغي يحكم وقمم تنزل ورشداي
يصهل صار الي يتمتم ورشداي
نذل وستنوق اسود البريه​

 

[رومانسي بس منسي]

رد: قفشات (شـعريــه) بــصــراويه

وحق من صورك ياترف وبراك
زاد قلبي محبتك سقم وبراك
من بحور الزمان انزلت لبراك
كبير انه ودار الوكت بيه​

 

[رومانسي بس منسي]

رد: قفشات (شـعريــه) بــصــراويه

أحلى مابيك ومن صفاتك وصلك
أروح وياك للشمس لو تريد أوصلك
ولو تصير بأخر العالم على رموشي زحف أوصللك
ميت وبشوفتك ترد الروح بيه​

 

[رومانسي بس منسي]

رد: قفشات (شـعريــه) بــصــراويه

يلي طعم شفاك أحلى من السكر
وكلبي من محبتك ذاب وسكر
وعقلي ظل بس ألك ولغيرك سكر
مجنون وبشوفتك يرد عقلي ألي