رد: قفشات (شـعريــه) عــــراقـــيه
غشيم ومن زرعتك ردت احصدك عود
طلعت ازرع ارسومك واحصد اخيالك
ابرالك خيال وصار وكتك ليل
بعد مات الخيال الجان يبرالك
نحتّك بالكّلب تمثال مدري امنين
مد ايده الزمان وباك تمثالك
يا سوط اللميض التم عليّه الغيم
بس يمطر حزن، يالفرح حسبالك
عشت اسنين مرّه ومن لكيتك عيد
طلعت شمس سوده وذبحت اهلالك
ضميتك ابعيني وبس كعدت اوياك
فكس عيني الزمان وشالني، وشالك
جنت خيمة رفاهه وعيّرتني الناس
بعد بيمن تكض من كطعوا احبالك
لا مدة بحر وانكول بلكي اتعود
ولا كعدة سمر وانعيد موّالك
صحوه، وصعب تحصل صحوة المجنون
مجنون وصحه ابهزّات زلزالك
اضحك للذبح كالوا، كلت هيهات
غلط تضحك مذلّه اكبال جتّالك
ردت بس السلال العنب ما مضمون
كالوا جيب روحك تاخذ اسلالك
كالوا جيب روحك تاخذ اسلالك…
لمبدعها
غشيم ومن زرعتك ردت احصدك عود
طلعت ازرع ارسومك واحصد اخيالك
ابرالك خيال وصار وكتك ليل
بعد مات الخيال الجان يبرالك
نحتّك بالكّلب تمثال مدري امنين
مد ايده الزمان وباك تمثالك
يا سوط اللميض التم عليّه الغيم
بس يمطر حزن، يالفرح حسبالك
عشت اسنين مرّه ومن لكيتك عيد
طلعت شمس سوده وذبحت اهلالك
ضميتك ابعيني وبس كعدت اوياك
فكس عيني الزمان وشالني، وشالك
جنت خيمة رفاهه وعيّرتني الناس
بعد بيمن تكض من كطعوا احبالك
لا مدة بحر وانكول بلكي اتعود
ولا كعدة سمر وانعيد موّالك
صحوه، وصعب تحصل صحوة المجنون
مجنون وصحه ابهزّات زلزالك
اضحك للذبح كالوا، كلت هيهات
غلط تضحك مذلّه اكبال جتّالك
ردت بس السلال العنب ما مضمون
كالوا جيب روحك تاخذ اسلالك
كالوا جيب روحك تاخذ اسلالك…
لمبدعها
