قفشات (شـعريــه) عــــراقـــيه

[mohammed.shams]

رد: قفشات (شـعريــه) عــــراقـــيه

ناذر للوطن عمري وانه الممنون
وابيع الروح بارخص لو نزل سوگة
طابوگة اشتريت وماخذت دبدوب
خفت يوم الوطن يحتاج طابوگة

 

[mohammed.shams]

رد: قفشات (شـعريــه) عــــراقـــيه

سكرت وگلت بلكي بسكري أنساك
صبيتك هموم بكاسي وشربتك
شربت الكاس كله وللچعب دگيت
حسبالي نسيتك بالچعب شفتك

 

[mohammed.shams]

رد: قفشات (شـعريــه) عــــراقـــيه

تريد الناس اسولف وآنه كلي هموم
خانگني الدمع ماأگدر احچي
إذا حته الدمع من شافني بهالحال
لبس أسود علية وگام يبچي

 

[mohammed.shams]

رد: قفشات (شـعريــه) عــــراقـــيه

بعيونك سحر يسجدله كل سحار
واليخزرك هلاك والله يستر
إذا برمضان تطلع انته فد يوم
تشوفك عيد كل الناس تفطر

 

[mohammed.shams]

رد: قفشات (شـعريــه) عــــراقـــيه

المثلك شي طبيعي ايصير محبوب
لان حتة اليكرهك تبتسملة

 

[mohammed.shams]

رد: قفشات (شـعريــه) عــــراقـــيه

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته

 

[mohammed.shams]

رد: قفشات (شـعريــه) عــــراقـــيه

گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع

 

[mohammed.shams]

رد: قفشات (شـعريــه) عــــراقـــيه

عله طاري محبتك عندي كومه عتاب
بس مجبور اغلس حته ماخسرك.....!

 

[mohammed.shams]

رد: قفشات (شـعريــه) عــــراقـــيه

إنته قمة بكلشي وبكلشي ملاك
وكلشي بيك مرتب وحسب الأصول
إنته غيرك من يمر توگفله ناس
وانته لو مريت توگفلك عقول

 

[mohammed.shams]

رد: قفشات (شـعريــه) عــــراقـــيه

ليش اذكرك خليني ناسيك
وما اريدك تجي شسوي لو جيت
جانن ذكرياتي ابالك ايجار
فقيرات ابعشرتك مالهن بيت