((قلعت اعيون اخوك))

[آهاات حالمة]

((قلعت اعيون اخوك))




لجل عين الوطن وعيون هاي الناس
گتلك صفي گلب حتى نتشارك
اجيتك شايل ابچفي غصن زيتون
ليش انته مُصر اوياي تتعارك
عوف الطائفيه اومنهج التكفير
كافي اتبيع اخوك وتهدم اديارك
مو انته الچنت مضرب مثل بالجود
حاتم بالضيافه اوشايعه اخبارك
حولت مضيفك غرفه للتعذيب
وصفه جمر الدلال, اغموس خطارك
چان اليعتنيك اتگصله احلى اثياب
هسه اليعتنيك ايفصله منشارك
قلّعت اعيون اخوك والله لو ناخيه
چابيده شلعهه اوجابهه لدارك
شجاك اتغيرت مابين ليله ويوم
عساهه ابخت كلمن سمم افكارك
اريد آني اسألك جاوبني بالله ارجوك
جارك ليش يمك نزل واختارك
لان عنك سأل گالوله طيب ذات
اشلون اطاك گلبك شيلت جارك
من حمل غراضه اعيونك انته اتشوف
وتباوع ازغاره اتودع ازغارك
دمع مرته اوبناته الغرگ الوجنات
يظل طول الحياة ايذكرك ابعارك
حسبالك تأمن من شعلت النار
هم ترجع عليك اوتاكلك نارك
باچر تنكره والمنك ايعاديك
وول ما ايبيس بيك مگوارك
اول مايبيس بيك مكوارك
​

 

[MS.Shaghaf]

رد: ((قلعت اعيون اخوك))

راقت لي كلماتك من أول عنقود لآخره



دمتي في حمى الرحمن



تقبلي وافر أحتراماتي

 

[قيصر الحب]

رد: ((قلعت اعيون اخوك))

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[كيان الم]

رد: ((قلعت اعيون اخوك))

مااجمل ماتحمله من احساس
كلمات تخترق القلب بصدقها
وتسلب من العيون كامل اعجابها
سلمت يمينك ياالق
يعطيك العافيه
لروحك السعادة
تحيتي