قوافي الشعر الشعبي

[آهاات حالمة]

رد: قوافي الشعر الشعبي

رجل شرقي
آسف جنت كلش مو وفي وياك
جبت عمرك تسامح وآنه اغلط
وعدتك مااخون وخنتك اهواي
وكتلك راح اتوب وماتبت قط
رجل شرقي وفق كل المقاييس
شايل كل نفاق الشرق الاوسط
اليوم انته حبيبي الدونه ماعيش
وباجر من تخابر اغلق الخط
بين احضاني نايم بالك وياي
وانه ابحضن غيرك بالي نكط
التظاهر بالندم والاعتذارات
هم جانت جزء من المخطط
ضحكه ابداخلي تتردد ابصوت
ضحكة عاهرات ابيت منحط
سميني اناني الكطع الانفاس
وظل كلي مخادع لمن تفحط
لكن من عفتني اتغير الحال
احس انسان ثاني ابداخلي انحط
لااضحك ولايحلالي موضوع
لاسولف ولا اذني اتسنط
اكعد ولحزن ينحتني تمثال
الوصل يمي بقه سنتين محبط
نحولي ورعشة ايدي اتكسر الاقلام
مااكتب حرف الا ايتنقط
وراك اتغيرت تركيزي موذاك
صار الخط ضعيف وصاحب الخط
ماكلني الذنب مامتت بجفاك
بس عمري رحت ذبيته بالشط
ناس اعلى الجرف مدتله الجفوف
باوع بالسمه وصاح اسمك وغط
باوع بالسمه وصاح اسمك وغط


الشاعر يحيى العلاق



​

 

["شہــاه زنـــان"]

رد: قوافي الشعر الشعبي

أنه بنادم صدگ ما حط لظهري جناح
اذم واكره واسولف واحجي كلشي الچان..
وما خطط لضحكه ولا لدمعه عين
ولا احزن چذب حتى أنعرف انسان..
من تصهل ضحكتي اعبر لذاك الصوب
ومن تنشغ دمعِّتي مناشغ المعدان..
على الفطرة من اسولف ما تهمني الناس
ولا ادور صداقه بگعدة الديوان..
وتره اليغلط بحقي انطي وجه عريس
يحس زافوف اريدة ولا يحس غلطان..
متناقض لان عايش طبيعي وياك
الما عنده تناقض هذا مو انسان!..
تجيني ايام احن لريحة العاگول
وتمرني ايام اذوب بريحة البستان..
وتصح مرات امر نسمة بصدر فلاح
وتصح مرات اشح بشهگة عل غركان..
انه غير السمار بوجهي ما مش لون
وتمرني سنين أضيع وتطگ بيه الوان..
جنحي من انفتح ما زاحمت عصفور
ولا غرني الصياح ونافست خرسان..
تعيرني بعشرّتك من چنت وياك
وگلبي بعشرتّك كلة أنترّس دخان..
أنه مسير ضوه لسردابك المسدود
بوكت شمس الظهر ما دگت البيبان.. #ادهم_عادل

 

["شہــاه زنـــان"]

رد: قوافي الشعر الشعبي

شسّوي لروحي
رادت دفو من عيونك..
أكرهك
بس أموت بخزّرة جفونك؟!..
عفت ناس أعلى عيني
إطّش گحل ودموع
وأعشّگك لأن
ما فد مرة گتلي شبيك وشلونك!؟
اليصد عينك يربي
شكد عزيز يصير !؟
أعشگ كلمن
يطش روحي
طاسة ببير!
أَحب كلمن
يگّلي شبيك
من تموت
يعني شراح بية يصير!؟
أكرهه السهل واليشتاگّلي وية النوم
أحب واحد ينام وآني عيني أطّير..
شكد فاهي بنظرّتك بس أموتن بيك
أحب برودتّك يل تكّشخ بناعور..
هو أحنة الزلم ما نحب عطر الهيل
نريد وجوه يتعلّگ أعليها بخور..
يل الرايد تدفّيني بشتا العشّاگ
أنه عندي گلب يرتاح للتنور..
مثل الريح ما تعشگ جسم مفضوح
بس شلون تتّخبّل أعلى المستور!
صح هو المطر كلش حلو من يطيح
بس مرات أريد أطّيح فوگّي گبور!.. #ادهم_عادل

 

["شہــاه زنـــان"]

رد: قوافي الشعر الشعبي

اليكرهك يكرهك لو نبي تصير
واليحبك تذله ويرجع اعناد
ترى ذنب الحمامة تعرف تطير
طبيعي العله الگاع يصير صياد
سم خلولي بمتاع المشاوير
ومن خليتهم عيروني بالزاد
صرت يمناهم وتفگة وشواجير
وتاليها ع اهلي انداس الزناد

رائد ابو فتيان

 

["شہــاه زنـــان"]

رد: قوافي الشعر الشعبي

.
.
چنت وياك أطش وِجهي عله شوف الناس

هسّـه مـن الحچايـة العابـرة أتلثّـم
و أرد أكسِر جنـح ذاكرتـي حتـى انساك

نسيـت براسـي زاجـل عالوفـه معلّـم
قليلـة جـروحي صـح
بـس الملـح ذوّاق

الملـح عالنـوع يلچـم مايـدوّر كـم .
لـ عقيل العرد
.
.
.

 

[عبدالرحمن]

رد: قوافي الشعر الشعبي

ياحلم عطنا وعد في الحب يلهينا
خل انتظار الوعد للنفس تلهى به
ياطاري اليأس لاتقتل امانينا
وش عاد لو الوعود تصير كذابه

 

[آهاات حالمة]

رد: قوافي الشعر الشعبي

هاي اجروحنه ابنص الشوارع


هاي اجروحنه ابنص الشوارع
واهنانه ابتدت كل المواجع!
لا دمعه التواسيها
لا جامع يمر بيها
وأظن معميه ياعين الجوامع!
هاي اجروحنه ابنص الشوارع!
الشاعر حسين االساعدي

​

 

["شہــاه زنـــان"]

رد: قوافي الشعر الشعبي

.
.
صيتي نداس ،؛
من داسوا عتبتك ناس ،؛
يالاموني بيك هواي مايدرون،؛
بيه حساس ؛
اليطخني بصخره اطخه بياس،؛
بس يحلم اطخله الراس ،؛
بيدي وماشربت الماي،؛
أحب اسوالف العباس،؛# ل حسين علي المطوري
.
.

 

[rami]

رد: قوافي الشعر الشعبي

انت .. منت عابر في حياتي وبس ..
انت حياتي وانت النبض وكل أمنياتي

 

[rami]

رد: قوافي الشعر الشعبي

اشهك وادير العين.....واتخيلك جاي
جن شوقة الغركان......من ياخذه الماي