قوافي الشعر الشعبي

["شہــاه زنـــان"]

رد: قوافي الشعر الشعبي

#مسائكم_راحة_بال
والله اليطخ هامته يسموه ذليل
وانه ما ارض تصفني بهاي الصفات
مر علي كل شي وضحكت حد ما رويت
خاف اكسر خاطرك بالتسميات
العسر والجوع والهم والدموع
وكصرة اليد والهدوم الباليات
لا تكدر خاطري لو ردت اجيك
وتشتكيلي من المضن والأتيات
انه عاندت الوكت حد ما رويت
وصرت حتى من ارد اموت بمشتهاي
#للشاعر_الكبير
#المرحوم_عطا_السعيدي

 

[آهاات حالمة]

رد: قوافي الشعر الشعبي

انتهينا
وانتهى
الما ينتهي وخلَّص حجينه
انتهينا
وبقت
كَطرات الوفه المذبوح تتناثر علينه
وبقت
للمجفين كوم اسرار عد روحي الامينه
وكون ندري
بالعتاب يفيد بيهم عاتبينا
وكون يسوون
البجي
جا بثنعش
ناظر بجينا
غافلونا
وباكَو
العشرة غفل من بين ادينه
وباكَو من
ايد العمر سنتين وبوجهم رضينه
تالي نزعوا
شوكَنا من كَلوبهم
وكَالوا
عوض عنكم لكَينا
تالي سدوا
بابهم من شافوا عللباب اجينا
شكَكَوا مكتوبنا
وبلا خجل ذبوا علينا
تندمينا
جينا
بجنازة عشكَنه المات غفله وأيّسينا
وابتعدنا
بعيد لكن طيفهم ظل يعتنينا
ظلت
حجاياتهم عالبال ما جلمه نسينا
ياما لسعتنا الشمس وبفي كَصايبهم غفينا
ياما فيَّضنه الوفه وحطّولنا المهجة سفينه
ياما ذبنه
العطش يمهم وبجدح جفهم روينا
تالي نزعوا
شوكََنا من كَلوبهم
وكَالوا
عوض عنكم لكَينا
تندمينا
جينا
بجنازة عشكَنه المات غفله وأيّسينا
وابتعدنا بعيد
لكن طيفهم ظل يعتنينا


............

للمبدع كاظـــــــم الكاطــــــــــع
​

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

ماشي بشارع بالي خالي من البشر
بس انا وحدي والمظلة والمطر
بحضني الحقيبة والدفاتر والصور
الشمس غابت و ريح تلعب بالشجر

وفجأة اسمع صوت خطوة
تجري تجري باتجاهي
والتفت وشفت حلوة..
حلوة ثارت انتباهي

قالت بكل ادب
تسمح احتمي تحت المظلة

واحتمت جنبي يا عيني
بكل براءة تحسها طفلة

وابتدت قصة جميلة
صدفة حلوة وهي أحلى

ألف بوسة يا مطر
يا مظلة ويا قدر

 

[آهاات حالمة]

رد: قوافي الشعر الشعبي

ما مقسوم


ما مقسوم احبك وابتدي وياك
بس مكتوب دوم بحبك نعاني
مااكلك انساك بس اكلك روح
وياك الوكت محتار خلاني
اعتب عالزمان الما جمعني وياك
وبدرب السراب شلون مشاني
بعد كول البنيته وبيه ما ضل حيل
اجه بلحظه الزمان وهدم بنياني
وبعد جرح الامس وك يازمن ماطاب
وصدك كالو تشافيني بجرح واني
لا صاحب تركته ولا حبيب وياي
وعلى صفحت حزن خطيت عنواني
وعموما ياحبيبي واغلى ماحبيت
انت اول محد استغل وجداني
الف مبروك اكلك من كلب والسان
مو كلمه واجتني بطارف الساني

..............................

للشاعر ايمن الكردي









​

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

ما اكرهك
وانته فسرهه اعلى كيفك
شنهو يعني
العكس اقصده
مافهمت الي كتبته
شوف كلبك
ما يكلك
تطلب انا الاعترفلك
يله عادي راح اكولن
بس اغمض خاف ما احمل بسمتك
اناااا احبك
اناااا اريدك
انااااا اعشكك
اناا لبكلبي اضمك
يله كافي تدللت
من الخجل انا لمتت
وارد اشوفن شنهو ردك
اناا احبك
لو اكرهك

 

[آهاات حالمة]

رد: قوافي الشعر الشعبي

رآح آموت

.......................



دير بالك راح اموت
راح اغمض عيني هالمره واموت
وراح يرتاح الغرام
من المحنه .. من الصراخ
من السكوت
دير بالك راح اموت
وانه ماراضي عليك
من تهزني ..من تسافر
من تروح ..ومن تفوت
دير بالك راح اكلك
لاتجيني
خاف أعدل من تجيني
خاف يحييني حنيني
ياترى هم بيه احبك
مثل ماحبيت اول
ومن اشوفك تحتفل
بدموع عيني
وتشتعل رعشه اديه
وماالمسك ..خاف اموت
دير بالك كلشي بيه اليوم ذابل
حتى صوتي بلايه صوت
وجني لوحه اتعلكت ابسمار دربك
وجني لعابه تهزهه تصيح أحبك
وجني طير بسفره طول
جنحه ميعينه يكمل
ماكو قوه
اعتقد هالحب !!!
والدليل اشصار بينه
واحنه كل فتره انتلاكه
وانتعاتب بالنواظر
كلمن اطفاله عله صدره
وبعده يتخيل شملنا
يلمه باجر
العشك اكبر نحسه
من ظروف وقسمه ضدنه
موشرط نبقه سويه
المهم تبقه المشاعر
والمشاعر ماتموت
دير بالك دير بالك
راح من حبك اموت
..................

للشاعر مهند الربيعي





​

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

تدري أمس سولفت لامي عليك
و بجيت بحظنه لحد ماغفيت
حجيت كلشي وما دريت
كتله يمه احبه
يمه أندعيلي بعشكه أبتليت
بجت أمي أعله حالي
وفوك همي أعله أمي أنه بجيت
ذبت شيلته عليه
خذتني النومه ونسيت
بين غافي وبين صاحي
تمتمت أمي أسمعته
يمه يجبر خاطرك والله أندعيت

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

مشتهيك ياعطر الورد
اتمر علئ طيوفي تعال
ومشتهيك بورگه
اشجاري نـٍـٍـده
ومشتهيك اتغازل
عيوني بــٍـدلال
اتخيط اجروح
الفـٍــٍـراگ امسرده
ومشتهيك اتجادل
احروف الـٍـكلام
معارك ويــٍـه
الٍـٍـشوگ طيره مغرده
ومشتهيك الليل
كلـٍــه بس تعال
امفتحه الذرعان
مٍـٍـٍـاهي امسرده
ومشتهيك اطٍــروش
للفاگد حبيب
اتهدي روحي ويه
الگلب واتٍـٍـبرده
ومشتهيك ادگابل
عيوني وتنٍْــٍـام
حته الولي اعليك
مثل الوالٍـٍـده
ومشتهيك بصبحي
سالوفة حنان
سوالف آمحبين
بـيٍـــٍـٍـٍــك امورده
مشتهيك اتنام تغفه
على الضلوع
ومن تغفه ايدي
على شعرك شارده
انتي ياعطر الورد
ياقداح يكلب الوالده
اغفا بعيوني تعال
بحضني اغفا اوشاهده

 

["شہــاه زنـــان"]

رد: قوافي الشعر الشعبي

...
..
عشت وياعھ ريل يمرجح الدمعه

وودعتعھ وداع آخر ضوه بشمعه

گلبتعھ شفت عمري يتوسل بيعھ

وانت ولاتنيت ولا العھ رجعه

الهجر داس اعله روحي .. ووين اودي الروح

أنه اگبال المنيه وضاگت الوسعه
.
.
.
.
المرحوم غني محمد

 

[آهاات حالمة]

رد: قوافي الشعر الشعبي

زنجر قفل روحي
وحاير بناري
ومن كلبي اعلة كلبي
أنكطعت اخباري
ذكرتك.....
يا عشر تيام تفاحات
عشرت كل حياتي ..
وصارن اسراري
جم ليلة اعلة ليلة
ايعز علية النوم
بس حلمك توالي الليل خطاري
وتحمر بالعتب وجنات خطاري
يالطخة كحل بطوارف القمصان
من كل ما كضيتة ...
وياك تذكاري
ياوردة بنفسج ...
والكمر نعسان
وعيونك كمر للصبح كماري
يارقة نبض هنيال من حباك
وندكلك نذر للصوت للطاري
للبسمة التشع بالروح شمس اسطوح
وتتناثر شعر ما توصلة اشعاري
لعيونك.عيونك حيرتي بدنياي
جلت من حورهن قدرة الباري
وتكلي...تغيرت؟؟؟
شو مو رسومك ذيج
تمنيتك تحبني وتنجوي بناري
وكبالي اكعدكعاشك ومعشوك
واحجيلك بحال شصار وجاري
واكاسرلك حناني بطعم خمرةدير
وتسكر الزمن وتلاعب اوتاري
واغنيلك غنة ..بهداي بهداي
اعلة خيبتنة
اعلة هضمتنة
وسفنة الراحت....
وية الروح حداري...
وازعلك لذتك بالعشك من تغتاض
واتكطر شفافك عسل كنطاري
وارضيك بولك يابعد هاي وهاي
واتعذر سنة وما تقبل اعذاري
من حب اهلنة الراح مو حب هالوكت..
والعشك طياري

.........


للمبدع عريان السيد خلف
​