قوافي الشعر الشعبي

[المشتاق]

رد: قوافي الشعر الشعبي

يَغآلي لتگلب موآجـــــــــع إلبيه والبيه كآفيني
خلي بآلگ على نفسك وأتركني أگضـي سنيني
چنت أترچه الدنيا إبيوم تجمــــــع بينگ وبيني
أبلسم جرحك وأمســح دمعك وأسليك وتسليني


حسآفه الدهــــر گآسي بس رآيد لاتگسي عليه


المشتآآآآآآآآآآآآآآق​

 

[آهاات حالمة]

رد: قوافي الشعر الشعبي

العافية
​

محتاج الحضن دافي
احط راسي واغط غافي
اريد ارتاح بس مره
وانسى دنيتي المره
اريد احلم اعيش ايامي متهني
واريد احلامي باغلا الناس تجمعني

اريد ارتاح ،؟
اريد انسى التعب والراح
اريد اغفى وافز مرتاح

محتاج النفس مابيه قال وقيل
محتاج النفس بيه ريحة هيل
محتاج النفس طيب حيل
من اشمه ؟ اشم العافيه وياه

وين العافيه ؟ محتاج شويه منه
روحي خلصت ،،، وما شفته
بس اسمه .. هواي اسمعت عنه
وما شفته ولا ضكته
هي هاي العافيه ؟


كلمات
اكرم التميمي ​

 

["شہــاه زنـــان"]

رد: قوافي الشعر الشعبي

عفتني
اتعثرت والشوف
گد موادعك كفه

افرش
عالجفون وعود
حتى اسرارهن تدفه

أشيل
من الزعل بصمات
خاف الوادم تكشفه

يلـ تارك
دليل اثبات
ضحكه وسالفه وشفه

بطعناتك
ولا حسيت
مثل حچايتك ترفه



أيهاب المالكي

 

["شہــاه زنـــان"]

رد: قوافي الشعر الشعبي

اليسألوني اعلة صحتي اتمنة اكلهم زين

بس ماترضه اجذب دمعتي البلعين

كبل بس الغريب منين اكل للناس

بس بغيبتك كل الوجوه منين؟



للشاعر رائد ابوفتيان

 

[آهاات حالمة]

رد: قوافي الشعر الشعبي

نزل يمي الكَـمر من شافني ابجي عليك
.........



نزل يمي الكَـمر من شافني ابجي عليك
وصد ليه وتباوع كالي شبيك
مكسور الجناح ودمعتك بالعين
شنـو القصة حبك دوم ناسيك
وعلامك تكسر الخاطر توالي الليل
بس تبجي وتنوح وعبرتك بيك
كتله ياكَـمر ليش الحبيب ايخون
وليش اللي توده يريد ياذيك
وليش اللي صغتله ادموعك اكلادات
يبخل ليك دمعه وما يرويك
وليش الجرح من ينزف الم وهموم
وولفك لاهي عنك ما يمر بيك
ولا ينظر لحالك والنزفت عليه
حار ابجرح غيرك ما يداويك


..............

​

الشاعر علي الفلكي

 

[آهاات حالمة]

رد: قوافي الشعر الشعبي

منين اجيب عيون تحمل هالدموع
الخضرن بعيوني جن نافورة
انت نمت الليل واطفيت الشموع
وانه كاظيهه دمع لسحورة
انت نمت ونومتك نومت طفل
بوزن فراشه حمل جفونه
وانه سهران وجفن شايل حمل
حمل يعكوب العماله عيونه
ماعليك اعتاب وكليبك سهل
بكثرة اليطبون ويزورونه
نفس ضميتك انه بين الضلوع
اوصل الموت وابد مازورة
والفظ اسمك بالعجل لو مرني جوع
هيج عشكي وياك ماخذ دورة.
ل. الشاعر مرتضى الحريشاوي

​

 

["شہــاه زنـــان"]

رد: قوافي الشعر الشعبي

.
.
.

هو مو كل منجرح جرحه يطيب
لا ولا كل بيت ضعف من الأساس
لا ولا كلمن هجر كاعه غريب
كلشي بالدنيا اله حدود وقياس
اكو ناس كلوبهة من الهم تشيب
واكو ما مهموم بس مشيب الراس
الناس بيهة جروح تحتاج الطبيب
وانه بيه جروح يحتاجلهة ناس
كبل حسرة يخلف بكلبي اليغيب
بأنتظار ابقه شمع واشواكي ياس
لجن شفت الغدر من الكريب
بدلت دمعي ضحك والسلوى كاس
انه عاشك ضيم واطرب للنحيب
هم شفت بحياتك شجرة تهوة فاس
وانه مكور حزن بس مليان طيب
وحتى بالماحاس بيه بضيمه حاس
كالمسيح أصبحت وهمومي صليب
والهموم شلون من عدهة الخلاص
عاشرا بلبل ربه ولكيته ذيب
وهسة اشك حتى بعوادين الأقفاص
ليش ياكلبي الظلمهم تستجيب
ويابريئ اليقبل بحكم القصاص
مو عجيبه انخنت بس هو العجيب
تبقى للخاين وفي وكلك إخلاص
لا تصورلي العدو بصورة حبيب
ولا تكلي الورد أقسى من الرصاص
ولا تكلي النار مابيهة لهيب
انه شاعر لاتصير براسي قاص .
.

للشاعر الكبير #فاضل عبد السادة
.


.
.

.
مساء الورد

 

[آهاات حالمة]

رد: قوافي الشعر الشعبي

[align=center][tabletext="width:90%;background-color:black;"][cell="filter:;"][align=center]ماأحب العافه غيري
ولاأشيل الذهب لوذبه الغني
العسل خليته ألكم
وخبزي الأمحجر هني
دنيه مزدحمه بنادق
شلون أصيرن بيها طير
اقبل بعاكول أعرفه
وماأرافك بالغرب خد الحرير
مختلف عنكم يقينن
وشنهو عيبه المختلف
شعندي وي عالم عقارب
ضيعت حتى العرف
خل يظل البيه بيه
كشخة الميت جفن
ومن سماري أخذ الهويه
غربة الشاعر وطن

للانسان الرائع والكبير هاشم العربي[/align][/cell][/tabletext][/align]​

 

["شہــاه زنـــان"]

رد: قوافي الشعر الشعبي

ولَو تعٌبني إنتظارك !!
شارك العمر إبسنينـــــــه
إهواي گالو مايجيك !!
وكًلبي جاوبهم يجينه .. يجينــــه
ناشدت كل روجه عنٌك ؟؟
كل جرف كحَلت عينـــــه
وإسألت كل الشواطي ؟؟
بلكت إتجيبك سفينـــــه
!!!! ولا سفينه ... ولا قطــــار
وخَلصٌتْ عمري إنتظــــــار !!
لا قطار ولا سفينـــــــه
وآنه والليل إبأمل جَيْتَكْ علينــــــــــــــــه
طيح يا دمع النده وگطٌر بِدِينــــه
إحنه ليليٌه نتلاگه
نسهر آنه وياك ياليل المدينــــــه
آنه عيني عالمحطه
وإنته عينك عالنهار
خلصٌت عمري إنتظـــــــار...
.
.
#كاظم_اسماعيل_الكاطع

 

["شہــاه زنـــان"]

رد: قوافي الشعر الشعبي

.
من شفت الغدر من القريب
بدلت دمعي ضحك والسلوى كاس
اني عاشك ضيم واطرب للنحيب
هم شفت شجرة بحياتك تهوى فاس
وانة مكور حزن بس مليان طيب
حتى بلما حاس بية بضيمه حاس
كالمسيح اصبحت وهمومي صليب
والهموم شلون من عدها الخلاص
عاشرت بلبل ربه ولكيته ذيب
وهسة اشك حتى بعوادين الاقفاص
مو عجيبة انخنت بس هو العجيب
تبقى للخاين وفي وكلك اخلاص..
.
#فاضل_عبد_الساده
.
.
.
مشتااقه القوافي هوايه صار ماانشرة بيه