كالولي انسه حبهه وكلت ماانساه
انسه الروح هسه وعيب انساهه
كالولي تعوفك لاتضن تهواك
كلت رغما عليكم ابقه اهواهه
كالولي عشكهه انخبّرك جذاب
كلتلهم شفت صورتي بعيناهه
كالولي حرام عليك تبقه تهيم
كلتلهم اموتن كون ملكاهه
كالوا قيس انت وهي ليلى اتصير
كلت ليلى انظرتني وزاد مبجاهه
كلتلهم شعرهه اليل سارح دوم
اووجنتهه الكمر تسحرني بضواهه
كالوا عيفهه وعيف العشك يفلان
صحت عمر السعاده الكيته وياهه
وهي تدريني احبهه وماتريد تكول
سر حبهه تخاف اتفضحه دنياهه
سكته وماعرفته السكته ليش اتطول
يجي يوم الاحط يمنتي بيمناهه
