كالو راح منك كام ينساك
كتلهم وفي ومايوم ينساني
كالو مايريدك راح للغير
كتلهم ابد مافكر بثاني
كالوكافي بأسمه تكتب اشعار
كتلهم عل اسمه عاكد الساني
كالو مو شماته گلوبنه عليك
كتلهم شماته تشفوآ بأحزاني
كالو راح يكتلك طول الفراك
كتلهم فدوه اموت وهوه دفاني
كالوكافي عمي بطل وتوب
كتلهم راح اظل لشوفته متاني
كالو حجه عنك حجي اشكال
كتلهم يحن كلبه يريد يلكاني
كالو غربه راح تعيش للدوم
كتلهم دفو صدره يصير عنواني
كالو هذا مو حب انت مجنون
كتلهم سجن كلبي وصار سجاني
