كرسي الاعتراف الحلقه ١٦ مع ( سامح )..

[فتنةة العصر]

احم احم هلا وغلا بأخوي سمسم
والله اجه دورك بالكرسي واني اختك
هههههههههههههههه

منور الكرسي وربي وايد
تسلمين قمورة عالبادرة

لي عودة بالأسئلة

 

[فتنةة العصر]

باك عدنا


سامح هسه ماراح انطيك كومة
اسئلة علمود تخوف التوثية مالتك



عندي بس ثلاث اسئلة


والباقي عوفهن لبعدين


السؤال الأول

ليش تزوجت لبنانية ؟؟


السؤال الثاني


ليش طلقتها ؟؟



السؤال الثالث


كم مرة تزوجت لو سمحت اريد مع الشرح

هههههههههههههه




وبس

صايرة حبابة اليوم ههههههههههههههههه

 

[سامح]

صباح الورد والياسمين
بعض الاسئلة لأخي سامح

صباح الورد والياسمين اختي الغالية

ما هو أصعب موقف تعرضت له في حياتك؟

وفاة والدي بالـ93 كنت هنا وممنوع نسافر للعراق
وبوقتها لا واتساب ولا نت اتصال فقط وغالي
نشتري كارت بمايعادل 25 الف عراقي وينطينا
بس عشر دقايق واشتريت بكل راتبي حتى
ابقى باتصال مع اخوتي واخواتي بالعراق

ما هو الشيء الذي تتمناه بشدة؟

طبعا بعد رضا الله والوالدين والصحة اتمنى
اكون بمستوى مادي جيد ودائما اعمل على هذا
ودائما بتطوير للافضل.

هل ندمت على معرفة شخص ما؟

طبعا، اشخاص مو شخص واحد.

ما هي أكبر غلطة ارتكبتها وندمت عليها؟

هو طلاقي غلطة كبيرة
بس اكو اكبر من هاي الغلطة ماحب اتكلم
بيها مو من باب مو صريح بس حتى ما اجيب ناس
بالموضوع.

من هو الشخص الذي تخاف خسارته ؟

قناديل

ما هو القرار الذي اتخذته ويخص مصيرك؟

اكبر قرار مصيري صار عندي عندما تنازلت عن الاقامة الكندية من اجل الدنمارك قرار بقيت متردد بيه سنة
لان اختي الكبيرة هناك وتريدني يمها وانا عجبني الدنمارك.

من هم أصدقاؤك المقربون هنا في الفخامة؟

الكل اعتبرهم اخوتي واصدقائي الله شاهد حتى الزعلان علي او الي عاملني معاملة مو حلوة بس كمقرب واكول
له كل شي واثق بيه وما اخاف منه
انت شهد و فتنة وشمم واخيرا سيد رضا.

نأتي على اسئلة من نوع اخر

الله يستر ههههه

صف شهد بكلمات

شهد احسها اخت كبيرة وبيها طعم العراق كما سبق وقلت هذا الشي

قدم لي نصيحة

عندما تاخذين فكرة عن اي احد سواء سلبية ام ايجابية خلي احتمال ببالك هذه الفكرة ليس بالضرورة صائبة مئة بالمئة.

ما الشيء الذي لايعجبك في شخصية شهد

اعتقد تستعجل احيانا ومن تضوج مالها خلگ تحجي كله تكول وانا شعلي هههه

اتمنى الصراحة التامة والبعد عن المجاملة بخصوص اسئلتي الاخيرة

والله حاولت اقول كل شي بشفافية وبعيد عن المجاملة.

ونورتي واسئلتك مثل العسل

 

[سامح]

باك عدنا


سامح هسه ماراح انطيك كومة
اسئلة علمود تخوف التوثية مالتك

يا الله هههه

عندي بس ثلاث اسئلة


والباقي عوفهن لبعدين


السؤال الأول

ليش تزوجت لبنانية ؟؟

حبتني قبل اي وحدة ولزكت شسويلها هههه
بس لزمو رسالتي عدها اعترفت كلتلهم هذا يحبني
ويريد يزوجني وخطيه ضربت ابن عمها بوري
جان يريدها وبعدين من اطلقنا حاوت اتزوج غيرها
لكيت القريبات من عمري كلهن متزوجات لو عدهن
حبيب لو مجاريح مضروبات بوري وانا مو صيدلية

وماكو فرق لبنانية عن غيرها بس اللهجة واختلاف
الثقافة شويه والحب يذوب كل هاي الفوارق وبعدين
هي تحبني وحلوة وبنت ناس محترمين وتقدس
الحياة الزوجية لدرجة هي مو بس زوجة هي مثل
الصديقة صارتلي لان قبل زواجنا سنتين دراسة و
ونعرف كل شي عن بعضنا ودرسنا بعض ماعتقد
احد يفهمني مثلها من اي بلد كانت..

السؤال الثالث


ليش طلقتها ؟؟

قصدك السؤال الثاني
سبب طلاقنا اختها تغار من حياتنا واثرت على ابوها
وانا عاندت ابوها وانا عندي خصلة العناد من المعمل
من واحد يعاندني الطش عليه وهي كضتها دبلماسية
عود تلزم العصا من الوسط كلتلهم كعدتكم حلوة بس
انا انام من وكت
بس الحمد لله هسه عرفو طبعي وعرفتهم.

السؤال الثالث


كم مرة تزوجت لو سمحت اريد مع الشرح

هههههههههههههه

هي مرة وحدة بس صارت شوطين استراحة بالوسط

وبس

صايرة حبابة اليوم ههههههههههههههههه

وين اكو مثلج
عين الباردة عليج بس لا يحسدونج وتجيني بمية وخمسن سؤال ههههه

نورتي خيتي طمطم
.

 

[سامح]

الذين يشاهدون الموضوع الآن 2 ( الاعضاء: 2, الزوار: 0 )​

• سامح
• قمر

من قرأ الموضوع خلال 48 ساعة (18)​

• سامح
• فتنةة العصر
• شهد~
• أبن البصرة
• الغيم
• أم السادة
• العـ عقيل ـراقي
• Retaj Al-Hassan
• قناديل
• رمااد اانسان
• Blacksмɪτн
• قيصر الكلمات
• ااالٌبابُليً ودً
• بنت العز
• الفصول الأربعة
• قلائد الياسمين
• سماهر الرئيسي 📚
• ღ شَغَفْ

 

[سامح]

صباح الورد
واهلا بمن يشبه الفجر في حضوره
ااكيد راح تكون حلقة حلوة كتير بوجودك سميح


انا كمان بيصير أسال كم سؤال ؟؟ هههههه

شكرا حبيبتي @قمر على وقتك والموضوع الانيق

مساء العسل والقشطة
اسئلي بس مو كل الاسئلة الي ببالك
واذا تردين اجاوب عليهن قبل لا تسئلين هههه

 

[قمر]

@سامح
تفضل الك ولقناديل

 

[قمر]

وهذا الرمان ل@فتنةة العصر