كلتلهم اريد انسه. حسين الساعدي

[عطري وجودك]

كلتلهم .....اريد انسه... وبعد ما ابقه وياها
كالولي
بسيطه هاي,
ادعي الخالقك وبساع... راح ابسرعه تنساها!
كلتلهم
اخاف ادعي ..
والله انوب يتقبل ..
وراح اقبل ابفركاها!
كالوا,,
شنهي سالفتك!!
روحك بالظبط شتريد؟,,,فهمنا اعله منواها!
نعرف كلمة النسيان ,,
..تنسه احباب..
هاي الكلمه معناها,,
اترك لعبة الألغاز,,, محد بينا حلاها!
اثبتلك على فد راي,,
يعني كلمة النسيان ,,عقلك وين وداها!!!
اشلون اتكول اريد أنسه!
وبنفس الوقت رايد تضل تحجي اعله طرواها!!
كلتلهم
اذا هسه
صدك أنسه
وهيه اتروح
خاف الروح
تخنكني ابجرح مذبوح
اذا مو بالصبح كل يوم اتصَبح ابملكاها!
أتصَبح ابملكاها,,
حسين االساعدي

 

[الشيخ]

عطري وجودك شكرا على الطرح

 

[عطري وجودك]

شكرا للمرور العطر
محبتي والتقدير