ايما صباح
كلشي بيّه عيون واحلامي بعيده
وكلشي يشبهني فرح
بس مو سعيده
الهسه ماادريبه گلبي شفارگ وجر حزنه بيده
الهسه ماادري اشعليّه بتعب غيري
وكلشي تايه ما يريدونه هله ..ليش آنه اريده ؟
وليش دوم اتأخر اعله سنين عمري
وگبلي توصل لأهلي ايامي الجديده
يفتحلها الباب ابوي
يدوّر بمجهر تقاليد السِنين الميته
عن هاي القصيده
يشوفها شتحوي امن اسامي
يلوح كل حروفها ومايفتهمها
يگل لأخوي بصفه كتّرها لحد ما نلگه چاره
ولو هي الگاع ما تگحم المنجل
والعشب يفضح خضاره
ولو هي الشمس ماتدفعها ظلمه
والصدگ مشوار ريح وماتسد دربه الستاره
هنااك ...تطلع يمهم امي
وبيدها إحجاب ودمع لهفه ودعاء
القسمه من آخر زياره
وهلا إتهوّن تعب وگفت باب بيت اهلي عليّه
وآنه حدر البيت اتاني الهوى اينزْل ايامي اليّه .
كلشي بيّه عيون واحلامي بعيده
وكلشي يشبهني فرح
بس مو سعيده
الهسه ماادريبه گلبي شفارگ وجر حزنه بيده
الهسه ماادري اشعليّه بتعب غيري
وكلشي تايه ما يريدونه هله ..ليش آنه اريده ؟
وليش دوم اتأخر اعله سنين عمري
وگبلي توصل لأهلي ايامي الجديده
يفتحلها الباب ابوي
يدوّر بمجهر تقاليد السِنين الميته
عن هاي القصيده
يشوفها شتحوي امن اسامي
يلوح كل حروفها ومايفتهمها
يگل لأخوي بصفه كتّرها لحد ما نلگه چاره
ولو هي الگاع ما تگحم المنجل
والعشب يفضح خضاره
ولو هي الشمس ماتدفعها ظلمه
والصدگ مشوار ريح وماتسد دربه الستاره
هنااك ...تطلع يمهم امي
وبيدها إحجاب ودمع لهفه ودعاء
القسمه من آخر زياره
وهلا إتهوّن تعب وگفت باب بيت اهلي عليّه
وآنه حدر البيت اتاني الهوى اينزْل ايامي اليّه .
